الماتىدا جەرگىلىكتى بيۋدجەتتى ۇنەمدەۋ ەسەبىنەن حالىقتىڭ الەۋمەتتىك تۇرعىدان ءالسىز توبىنا قارجىلىق قولداۋ كورسەتىلەدى، - دەپ حابارلايدى "الماتى اقشامى" باسىلىمى.

بۇل تۋرالى «نۇر وتان» پارتياسى الماتى قالالىق فيليالىنىڭ ءحىX ەسەپ بەرۋ-سايلاۋ كونفەرەنتسياسى بارىسىندا «نۇر وتان» پارتياسى ساياسي كەڭەسىنىڭ مۇشەسى، پارتيانىڭ قالالىق فيليالىنىڭ توراعاسى، الماتى قالاسىنىڭ اكىمى باۋىرجان بايبەك ايتتى.

ول ءوزىنىڭ سوزىندە قالا بيۋدجەتىن وڭتايلاندىرۋ ارقاسىندا دارىگەرلەرگە، مۇعالىمدەرگە، تاربيەشىلەرگە، الەۋمەتتىك سالا قىزمەتكەرلەرىنە، حالىقتىڭ الەۋمەت­تىك تۇرعىدان ءالسىز توبىنا سىياقى بەرۋ ءۇشىن قارجى بولىنگەنىن جەتكىزدى. الماتىدا 2016 جىلى جەرگىلىكتى بيۋدجەتتەن 123 ملرد. تەڭگە، سونىڭ ىشىندە، جولايرىقتارىن، قۇرىلىس نىساندارى مەن ۋنيۆەرسيادانى وڭتايلاندىرۋ بارىسىندا 60 ملرد. تەڭگە، مجس اياسىنداعى الەۋمەتتىك نىساندار قۇرىلىستارى مەن بيزنەستىڭ الەۋمەتتىك جاۋاپكەرشىلىگى ەسەبىنەن 56,5 ملرد. تەڭگە، مەملەكەتتىك ساتىپ الۋ ەسەبىنەن 6,5 ملرد. تەڭگە ۇنەمدەلگەن.

مەملەكەت باسشىسىنىڭ تىكەلەي تاپسىر­ماسى بويىنشا قازاقستان رەسپۋب­ليكاسى تاۋەلسىزدىگىنىڭ 25 جىلدىعىنا وراي جەرگىلىكتى بيۋدجەت ەسەبىنەن الماتى قالاسىنىڭ الەۋمەتتىك جانە بيۋدجەتتىك سالا قىزمەتكەرلەرى ءبىر جالاقى كولەمىندە، ال حالىقتىڭ الەۋمەتتىك تۇرعىدان ءالسىز توبىنداعى ءار ادامعا 50 مىڭ تەڭگە كولە­مىندە سىياقى بەرىلەدى.

– وزدەرىڭىز بىلەسىزدەر، مەملەكەت باس­شىسى ن.ءا.نازارباەۆ قازاقستاندىقتار­دىڭ تۇرمىستىق جاعدايىن تومەندەتپەۋدى، جۇمىس ورىندارىن قۇرۋدى جانە ساقتاۋدى، حالىقتىڭ تابىسىن ىنتالاندىرۋدى تاپ­سىر­دى. ەلباسىنىڭ بۇل تاپسىرمالارى قالادا ويداعىداي جۇزەگە اسۋدا. مىسالى، جىل باسىنان بەرى قاراي مەملەكەتتىك جانە الەۋمەتتىك سالا قىزمەتكەرلەرىنىڭ جالاقى­لارى 30 پايىزعا ارتتى. سونىمەن قاتار، حالىقتىڭ الەۋمەتتىك ءالسىز توبى ءۇشىن جەرگىلىكتى بيۋدجەت ەسەبىنەن جولاقى تەگىن جانە مەكتەپ وقۋشىلارى، ستۋدەنتتەر، زەينەتكەرلەر مەن كوپبالالى انالار ءۇشىن جول ءجۇرۋ بيلەتتەرى قالپىنا كەلتىرىلدى. كوپبالالى جانە جاس وتباسىلارعا قولداۋ كورسەتۋ ماقساتىندا مەملەكەتتىك بالاباق­شالارداعى 2 – 5 جاس ارالىعىنداعى بال­دىر­عاندار ءۇشىن قارجى ءبولىندى. 142 بالا­باقشا، جەكە كوتتەدجدەر مەن وزگە نىسان­داردا 5 مىڭ ورىندى مينيورتالىقتار اشىلدى، – دەدى ب.بايبەك.

جالپى، سىياقى الاتىندار سانى – 114,3 مىڭ ادام، قارجى كولەمى – 6,2 ملرد. تەڭگە. وتباسىنىڭ وزگە دە مۇشەلەرىن ەسكەرە وتى­رىپ، سىياقى بەرۋگە 340 مىڭ الماتى­لىق قامتىلعان:

– 1,2-توپتاعى 23,4 مىڭ مۇگەدەككە بەرىلەتىن سىياقى كولەمى – 1,2 ملرد. تەڭگە;

– 4 مىڭداي كوپبالالى اناعا – 199,3 ملن. تەڭگە;

– مۇگەدەك بالانى تاربيەلەپ وتىرعان 4,9 مىڭ وتباسىعا – 243,7 ملن. تەڭگە;

– ۇوس كەزىندە ايانباي ەڭبەك ەتكەن، وردەندەر جانە مەدالدارمەن ماراپات­تالعان 19,2 مىڭ ادامعا – 957,6 ملن. تەڭگە.

– ەلباسىنىڭ، پارتيا جەتەك­شىسىنىڭ الداعى مەرەكەلەر قارساڭىندا حالىققا كورسەتىپ وتىرعان بۇل ىزگى نيەتى مەن قامقورلىعى بارىسىندا تۇرمىسقا قاجەت زاتتاردى، ازىق-تۇلىكتى ساتىپ الۋعا كەتەتىن شىعىنداردى جابۋعا، كوممۋنال­دىق تولەمدەر مەن نەسيەلەردى وتەۋگە، جالپى، بىرقاتار ماسەلەلەردى شەشۋگە ابدەن بولادى، – دەپ اتاپ ءوتتى ب.بايبەك.

قالا باسشىسى مەگاپوليس ەكونومي­كاسىندا وڭ ديناميكا قالىپتاسقانىن ايتتى. 2016 جىلدىڭ 9 ايى ىشىندە الماتىنىڭ ءجوو 2,8 پايىزعا كوبەيىپ، ءبىرىنشى جارتىجىلدىقپەن سالىستىرعاندا 0,7 پايىزعا ارتتى. جىل قورىتىندىسى بويىنشا، ەكونوميكا 2 پايىزعا وسەدى دەپ كۇتىلۋدە. قالادا سالىق ءتۇسىمى دە ءبىرشاما ارتىپ، 35,3 ملرد. تەڭگەگە نەمەسە 114 پايىز­عا جەتتى (وتكەن جىلدىڭ وسى كەزەڭى­مەن سالىستىرعاندا), بۇعان جەكە ۇيىم­داردا ەڭبەكاقى قورىنىڭ ۇلعايۋى ارقا­سىن­دا ء(بىرىنشى جارتىجىلدىقتا عانا – 92 ملرد. تەڭگە) قول جەتتى. سالىقتىڭ 80 پايىزى – يپن جانە الەۋمەتتىك سالىق.

Abai.kz