استانادا وتكەن ساراپشىلار كەزدەسۋىندە قر اقپارات جانە كوممۋنيكاتسيالار ءمينيسترى داۋرەن اباەۆ «ماتاەۆتىڭ ىسىنە» قاتىستى پىكىر ءبىلدىردى.

ونىڭ ايتۋىنشا، الداعى ەكى ايدىڭ ىشىندە اقپاراتتىق سالاداعى مەملەكەتتىك تاپسىرىس جۇيەسىنە وزگەرىستەر ەنگىزىلەدى. ال بۇقارالىق اقپارات قۇرالدارىنىڭ جۇمىسىن باعالاۋدىڭ جاڭا رەيتينگىندە مۇلدەم باسقا كورسەتكىشتەرگە باسىمدىق بەرىلەدى، دەپ xابارلايدى قازاقپارات.

ء«بىز ماتاەۆ پەن عابدۋللين تۋرالى انىق-قانىعىن بىلەمىز. مەملەكەتتىك تاپسىرىستىڭ (اۆت. — ءىستىڭ) بولعانىن دا جاقسى بىلەمىز. سوندىقتان سوتتىڭ شەشىمى شىققاننان كەيىن ول تۋرالى اشىق ايتۋعا قۇقىعىمىز بولاتىن شىعار. بۇل جونىندە اشىق ايتاتىن بولامىز»، — دەپ اتاپ كورسەتتى داۋرەن اباەۆ.

ءمينيستردىڭ ايتۋىنشا، كەلەسى جىلى قاڭتار ايىنىڭ سوڭىنا دەيىن مەملەكەتتىك تاپسىرىستىڭ جاڭا جۇيەسى تانىستىرىلادى.

ء«بىز بۇكىل پروبلەمانى بىلەمىز — تاريف قانداي، كىمنىڭ قانشا بەرەتىنىن، نەلىكتەن بەرەتىنىن. قازىر ونى جان-جاقتى زەردەلەپ جاتىرمىز. ەكى ايدان كەيىن مەن جاڭا جۇيە تۋرالى بايانداپ بەرەمىن. ونى بىردەن ىسكە اسىرۋ قيىن بولاتىن شىعار. بىراق ءبىز اشىقتىقتى بارىنشا قامتاماسىز ەتەتىن بولامىز»، — دەيدى داۋرەن اباەۆ.

سونداي-اق قازىرگى كەزدە بۇقارالىق اقپارات قۇرالدارىنىڭ جۇمىسىن باعالايتىن جاڭا رەيتينگتىك كومپانيانى قۇرۋ جۇمىستارى اتقارىلىپ جاتىر. وعان سايكەس، مەملەكەتتىك تاپسىرىستى ورىنداۋ باستى كورسەتكىش رەتىندە بەلگىلەنەدى.

Abai.kz