«اۋىل شاراۋاشىلىعىن قارجىلاي قولداۋ قورى» اق قولداۋىمەن «اگربيزنەس – 2020» باعدارلاماسى شەڭبەرىندە وتكەن جىلدان بەرى قور وڭتۇستىك ايماقتا الما باعىن قارجىلاندىرۋ باعدارلاماسىن جۇزەگە اسىرىپ كەلەدى.

«اۋىل شاراۋاشىلىعىن قارجىلاي قولداۋ قورى» – «قازاگرو» ۇلتتىق باسقارۋ حولدينگىنىڭ ەنشىلەس كومپانياسى. 2005 جىلدان بەرى شاعىن نەسيە بەرۋمەن اينالىسىپ كەلە جاتقان قور بۇگىندە مەملەكەتتىك باعدارلاما بويىنشا اۋىل شارۋاشىلىعىن شاعىن نەسيەمەن قامتاماسىز ەتۋشى نەگىزگى وپەراتور. اۋىل تۇرعىندارى مەن اۋىل شارۋاشىلىعى ءوندى-رۋشىلەرىن قارجىلاندىرۋ كولەمى جىل سايىن ءوسىپ كەلەدى. قازىرگى تاڭدا وڭتۇستىكتەگى شارۋا قوجالىقتار وسى قوردىڭ كومەگىمەن نەسيە راسىمدەپ، وزدەرىنىڭ جەكە كىسىپتەرىن دوڭگەلەتىپ وتىر.

وسى ورايدا وڭتۇستىك قازاقستاندا الما وتىرعىزۋمەني اينالىستان جەكە كسىپكەرلەر الما باقتارىنىڭ كولەمىن جىلدان جىلعا ۇلعايتىپ كەلەدى. بۇل باقتاردىڭ ەرەكشەلىگى – زاماناۋي تەحنولوگيالاردى پايدالانۋ، كوشەتتىڭ جاڭا سۇرىبىن وتىرعىزۋ، تامشىلاتىپ سۋارۋ ءادىسىن پايدالانۋ ارقىلى شىعىندى ازايتۋ. وسىمەن ەكىنشى جىل ءونىم الىنىپ وتىر. مۇنداي كەشەننىڭ جالپى اۋماعى – 55-70 گەكتاردان ارتىق.

مۇندا سۋمەن قامتاماسىز ەتۋ، سۋارۋ، تىڭايتقىش جەتكىزۋ جانە تاعى باسقا ماسەلەلەر بىرىڭعاي جۇيەگە ەنگىزىلگەن. كەشەن 5 گەكتاردان بولىنگەن، سوندىقتان شاعىن شارۋاشىلىقتار بولىپ ەسەپتەلەدى. سول سەبەپتى، بۇل جوبانى وتباسىلىق دەپ اتاۋعا دا بولادى.

وتكەن جىلى قور وڭتۇستىك قازاقستان جانە جامبىل وبلىستارىندا جالپى اۋماعى 150 گەكتارعا تەڭ ءۇش جوبانى 1 ميلليارد 612 ميلليون تەڭگەگە قارجىلاندىردى. وسى اۋىلدارداعى 30 وتباسى ليزينگ الدى. بيىل 200 گەكتار اۋماقتى قامتيتىن 3 جوبا ىسكە اسىرىلىپ جاتىر. قارجىلاندىرۋدىڭ جالپى سوماسى – 2 ميلليارد 868 ميليون تەڭگە.

Abai.kz