بەيسەنبى كۇنى اتىراۋدا «قىس–2016» رەسپۋبليكالىق كوماندالىق-شتابتىق وقۋ-جاتتىعۋى وبلىستىق جەدەل ارەكەت ەتۋ جاساعىنىڭ ساپقا تۇرعىزىلۋىمەن باستالدى. بۇل شارا –  توتەنشە جاعداي تۋىنداعان كەزدە اتالعان بولiمشەنiڭ ناقتى ارەكەتتەرiن پىسىقتايتىن ءساتتىڭ بiرi, - دەپ جازادى "اتىراۋ" گازەتى.

وبلىس ورتالىعىنىڭ الدىن-الا بەلگىلەنگەن الاڭىندا «اتىراۋ جارىق»، «اتىراۋسۋارناسى»، «قازاقتەلەكوم»، «ەمبىمۇنايگاز»، جول جانە كوپىر قۇرىلىسى، جيىرمادان استام كاسiپورىندار مەن ۇيىمدار بازاسىندا قۇرىلعان جوعارى ازiرلiكتەگi بولiمشەلەرى جانە ءتۇرلى ارناۋلى تەحنيكاسى ساپ تۇزەدi.

كوماندالىق-شتابتىق وقۋ-جاتتىعۋ iس-شاراسىنا وبلىس اكىمىنىڭ ورىنباسارى ءسالىمجان ناقپاەۆ قاتىستى. ول وبلىستىق توتەنشە جاعدايلار دەپارتامەنتiنiڭ باستىعى، ورتكە قارسى قىزمەت پولكوۆنيگi ساعىنبەك ومىرزاقوۆپەن بىرگە ساپتاعى توتەنشە جاعدايلار جاساعى مەن قۇتقارۋ تەحنيكالارىنىڭ، قۇرىلعىلاردىڭ دايىندىعىن،  جاساقتاردىڭ جاۋىنگەرلiك قابiلەتتەرi مەن ءوز مiندەتتەرiن بiلۋiن تەكسەرىپ شىقتى.

وقۋ-جاتتىعۋ جەتەكشىلەرى اۆاريالار، اپاتتار مەن وزگە دە تەحنوگەندىك سيپاتتاعى توتەنشە جاعدايلاردىڭ سالدارىنان زارداپ شەككەندەرگە قۇتقارۋ جۇمىستارىنىڭ باستاپقى كەزەڭiندە جەدەل كومەك كورسەتۋگە ارنالعان تەحنيكا جانە جابدىقتاردىڭ جارامدىلىعىنا ەرەكشە نازار اۋداردى. ءسالىمجان جۇماشۇلى بولiمشەلەردiڭ كومانديرلەرi جانە ماماندارىمەن جەكە-جەكە تانىسىپ، ولاردىڭ الدارىنا قويىلعان iس-ارەكەتتەرiنە دايارلىعى تۋرالى راپورتتارىن قابىلدادى. بۇل رەتتە جاساقتىڭ قاتارداعى جاۋىنگەرلەرiنiڭ دايىندىعىنا جانە ماتەريالدىق-تەحنيكالىق قامتاماسىز ەتiلۋiنە، كيiم-كەشەكتەرiنە، جابدىقتارىنا باسا كوڭiل ءبولiندi. ساپتاعى جاساقتىڭ توتەنشە جاعدايلارداعى iس-ارەكەتiنە دايىندىقتارىنا وڭ باعاسىن بەرگەن ءسالىمجان جۇماشۇلى بۇل دەڭگەيدi تۇراقتى تۇردە جوعارىلاتا بەرۋ قاجەتتiگiن ايتتى.

— الداعى قىس بiز ءۇشiن ناعىز سىناق بولماق. بولجام بويىنشا قىس قاتتى بولادى دەپ كۇتiلۋدە. سوندىقتان، قۇرىلىمداردىڭ قىس كەزەڭiندەگi توتەنشە جاعدايلار قىزمەتىن، iس-ارەكەتكە دايارلىعىن ءالى دە پىسىقتاي ءتۇسۋ كەرەك. ادامداردى قورعاۋ – ءبىرىنشى كەزەكتەگى مiندەت. ولاردىڭ قاۋiپسiزدiگiن قامتاماسىز ەتۋ ءۇشiن بiز بارلىق مۇمكiنشiلiكتەردi جاساۋعا ءتيىستىمىز، — دەدi وبلىس اكىمىنىڭ ورىنباسارى.

وقۋ-جاتتىعۋ شارالارى ءارى قاراي الماگۇل ىقشاماۋدانىنداعى №24 ون التى  قاباتتى تۇرعىن ءۇيدىڭ التىنشى قاباتىندا «گازدىڭ جارىلۋى» سالدارىنان بولعان ء«ورتتى ءسوندىرۋ، ادامداردى قۇتقارۋ، زارداپ شەككەندەرگە العاشقى مەديتسينالىق كومەك كورسەتۋ» جونىندەگى جەدەل ارەكەت ەتۋ توپتارىنىڭ قىزمەتىمەن جالعاستى.  بۇندا دا قۇتقارۋ توپتارى ەرەجە-نۇسقاۋلىق بويىنشا ارەكەت ەتىپ، قاۋىپتىڭ بەتىن قايتاردى.

— نەگىزگى ماقسات – ازاماتتىق قورعاۋ قۇرىلىمدارىنىڭ قىستا بولۋى مۇمكىن توتەنشە جاعدايلار كەزىندە ارەكەت ەتۋگە دايىندىعىن تەكسەرۋ. توتەنشە جاعدايلار دەپارتامەنتىنەن وقۋ-جاتتىعۋعا ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى»، «جەدەل قۇتقارۋ جاساعى» مەن №2 ەمحانانىڭ مەديتسينا قىزمەتكەرلەرى جۇمىلدىرىلىپ، شۇعىل دا جيناقى قيمىلدارىن كورسەتتى. ءورتتى اۋىزدىقتاۋ مەن قۇتقارۋ جۇمىستارىنا 12 ارناۋلى تەحنيكا مەن 42 ادام قاتىستى. شارتتى ءورت شارپىعان قاباتتان التى ادام، تۇتىنگە ۋلانعان ەكى ادام ارناۋلى تەحنيكا مەن قۇرىلعىلاردىڭ كومەگىمەن قۇتقارىلدى، — دەپ مالىمدەدى بىزگە وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى ءبولىمىنىڭ باسشىسى، پولكوۆنيك ابدۋلقاپار جۇمانوۆ.

«اتىراۋ جىلۋ ەلەكتر ورتالىعىندا» ديامەترى 800 مم قۇبىر جارىلىپ،  قالاعا جىلۋ بەرۋ قاجەتتىگى نورمادان 65-70 پايىزعا دەيىن تومەندەدى. ورتالىقتا دەرەۋ وقۋ-جاتتىعۋ دابىلى قاعىلىپ، قاۋىپتى ايماقتاعى جۇمىسشىلارعا ەسكەرتىلدى. «اتىراۋ جىلۋ ەلەكتر ورتالىعى» اق تەتە-پرەزيدەنتى ب.رامازانوۆتىڭ باسشىلىعىمەن جان-جاقتى ويلاستىرىلىپ، نۇسقاۋلىققا ساي شۇعىل قيمىل-ارەكەت ەتكەن كاسىپورىننىڭ قۇتقارۋ قىزمەتىنىڭ ماماندارى ارناۋلى تەحنيكامەن قۇبىردى الماستىرۋ جۇمىستارىنا كىرىستى. اپاتتى قالىپقا كەلتىرۋ بريگاداسى دا ءوز مىندەتتەرىنە ساي ارەكەت جاسادى.

وقۋ-جاتتىعۋدىڭ الدىن-الا دايىندالعان ستسەناريى بويىنشا «اتىراۋ –  استراحان» اۆتوموبيل جولىنىڭ 624-ءشى شاقىرىمىندا بولعان قاتتى بوراننىڭ اسەرىنەن ەكى اۆتوبۋستى جولاۋشىلارىمەن قۇتقارۋعا ءتيىستى بولاتىن. قاردىڭ قالىڭدىعى 60 سانتيمەترگە جەتكەن، كوز اشتىرمايتىن بورانمەن كۇرەسۋگە ون ءۇش تەحنيكا مەن 34 قۇتقارۋشى  جەتەدى. جيىرما جولاۋشى قاۋىپسىز ايماققا شىعارىلدى. جاۋعان قاردىڭ اسەرىنەن كومىلىپ قالعان ءبىر شاقىرىمداي جول ارشىلىپ، قاردان تازارتىلدى.  بۇل شارا بارىسىندا جول اپاتىنىڭ سالدارىن جويۋ، ءورت ءسوندىرۋ، جولاۋشىلاردى جىلىتۋ پۋنكتتەرىنە دەر كەزىندە جەتكىزۋ، مەديتسينالىق كومەك كورسەتۋ سياقتى قۇتقارۋ جۇمىستارىنىڭ بارلىق تۇرلەرىنە قۇرىلىمنىڭ دايىندىعى پىسىقتالدى.

جالپى، اتىراۋدا وتكەن كوماندالىق-شتابتىق وقۋ-جاتتىعۋعا 71 تەحنيكا مەن جەكە قۇرامنىڭ 245 ادامى قاتىستى. ولار بەلگىلەنگەن شارالاردى جوعارى جاۋاپكەرشىلىك پەن كاسىبي شەبەرلىك دەڭگەيىندە ورىندادى.

مۇنداي كوماندالىق-شتابتىق وقۋ-جاتتىعۋ شارالارى وبلىستىڭ بارلىق اۋداندارىندا ۇيىمداستىرىلۋدا.

باقىتجان جۇمات

Abai.kz