شىمكەنتتە قۇرما اعاشى جايقالىپ تۇر. عاجايىپ جەمىستى حامزا مولتەك اۋدانىنىڭ تۇرعىنى گۋليستان ۋماروۆا وسىرگەن. ەرەكشە كۇتىمنىڭ ارقاسىندا زەينەتكەر العاشقى ءونىمىن دە جينادى. ءدامى ءتىل ۇيىرەتىن تروپيكالىق جەمىستەن ارىپتەسىمىز دا ءدام تاتىپ قايتتى.

قۇرما بۇل دارۋمەندەرگە باي ءارى قاسيەتتى جەمىس. نەگىزىنەن تابيعاتى ىستىق اراب مەملەكەتتەرىندە وسىرىلەدى. عاجايىپ جەمىستىڭ ەلىمىزدە ءوسىرىلۋى بۇل سيرەك كەزدەسەتىن جاعداي.

شىمكەنتتىك گۋليستان ۋماروۆا قۇرما كوشەتتەرىن وسىدان 5 جىل بۇرىن تاشكەنتتەن الىپ كەلگەن. تاجىربيە رەتىندە الدىمەن ەكى ءتۇبىن وتىرعىزادى. تروپيكالىق ايماقتا عانا وسەتىن جەمىس، ەرەكشە كۇتىمنىڭ ارقاسىندا بۇرشىك جارىپ، گۇلدەي باستايدى. ناتيجەسىندە باعبان بيىل مول ءونىم الادى. ەڭبەگىنىڭ جەمىسىن كورگەن زەينەتكەر قۇرما اعاشىن باپتاۋدىڭ قۇپيالارىمەن ءبولىستى.

قۇرما دارۋمەندەرگە باي جەمىستىڭ ەرەكشە ءتۇرى. كوپتەگەن دەرتتىڭ تاپتىرماس شيپاسى. ول قان قىسىمىن رەتتەپ، اسقازان جۇمىسىن جاقسارتۋعا پايدالى. عاجايىپ جەمىستىڭ وسكەنىنە اسىرەسە زەينەتكەردىڭ نەمەرلەرى ايرىقشا قۋانۋدا.

بۇگىندە زەينەتكەر قالانىڭ سىرتىنان جەر الىپتى. كەلەشەكتە سوندا تروپيكالىق جەمىستەردىڭ وزگە دە تۇرلەرىن وسىرمەك.

زەينەتىنىڭ بەينەتىن كورىپ جۇرگەن اجەي شىمكەنتتە كەز-كەلگەن جەمىستى وسىرۋگە بولاتىندىعىن العا تارتادى. تەك ءاربىر كوشەتكە ءوز بالاڭداي كۇتىم جاساۋ قاجەت دەيدى ول.

Abai.kz