ونىمدىلىكتى ۇلعايتۋدىڭ ءبىر جولى - جاڭا تەحنولوگيانى قولدانىسقا ەندىرۋ. وسى ورايدا وڭتۇستىك قازاقستان وبلىسىنىڭ ماقتارال اۋدانىنىڭ شارۋالارى ەگىستى تەرەڭ قوپسىتۋ تەحنولوگياسىن قولدانۋ ارقىلى ءونىم كولەمىن ەكى ەسەگە ارتتىرماق. جەردەن الاتىن ءونىمنىڭ ونىمدىلىگىن ارتتىرىپ قانا قويماي، جەردى ءتيىمدى يگەرۋ ماقساتىندا مۇنىڭ ماڭىزى زور بولىپ وتىر.

سوندىقتان جاڭا تەحنولوگيانى ەندىرۋ - زامان تالابى دەپ ءتۇسىنۋ كەرەك. وسى ورايدا تەرەڭ قوپسىتۋ ءادىسى تيىمدىلىگىن دالەلدەگەن ءتاسىل. جەردى تەرەڭ جىرتۋ ارقىلى تابيعي ىلعالدىلىقتى ۇزاق ساقتاپ قالۋعا بولادى.

بۇگىنگى تاڭدا زاماناۋي تەحنولوگيالاردى وندىرىسكە ەنگىزۋ ارقىلى ءونىم كولەمىن ەكى ەسەگە دەيىن ارتتىرۋعا بولاتىنىنا كوز جەتكىزگەن وڭتۇستىكتىك ديحاندار تەرەڭ قوپسىتۋ تەحنولوگياسىمەن جۇمىس جاساۋعا دا كوشىپ الدى.

اۋدان بويىنشا 2016 جىلى جالپى 20,0 مىڭ گا ەگىستىك القاپقا تەرەڭ قوپسىتۋ تەحنولوگياسىن ەندىرۋ تاپسىرماسى بەرىلگەن بولسا، 2015-2016 جىلدارى اۋدان بويىنشا جالپى 29492,0 گا ەگىستىك القاپقا تەرەڭ قوپسىتۋ تەحنولوگياسى ەندىرىلدى (147,5 %). اۋىل شارۋاشىلىعى سالاسىنداعى مۇنداي جاڭا تەحنولوگيالاردىڭ ناتيجەسى قازىردىڭ وزىندە ءوز تيىمدىلىگىن دالەلدەۋدە.

ماقتاارال اۋدانىنىڭ تاجiريبەسi باسقا ايماقتاعى ماقتا شارۋاشىلىعى ماماندارى تاراپىنان دا قولداۋ تاۋىپ، قوزالىقتى تەرەڭ قوپسىتۋ تەحنولوگياسىن ەندiرۋ شارالارىن ىسكە اسىرۋعا ناقتى قادام جاسالىپ وتىر. تەرەڭ قوپسىتۋ تەحنولوگياسىنىڭ ەرەكشەلiگi, توپىراقتى 70-80 سانتيمەتر تەرەڭدiكتە قوپسىتىپ، جەردiڭ 35-80 سانتيمەتردەن تومەنگi تىعىزدالعان قاباتىن بوساتۋعا تiكەلەي اسەر ەتەدi. وسىلايشا وسiمدiك تامىرىنىڭ تەرەڭ بويلاۋىنا، توپىراق ىلعالدىعىنىڭ ۇزاق مەرزiمگە ساقتالۋىنا ىقپال جاسايدى. ناتيجەسiندە ەگiستiكتiڭ ءوسiپ-ءونۋi جاقسارىپ، ونiمدiلiگi ارتادى. جەردى يگەرۋدەگى مۇنداي ءتيىمدى قادامدار ديحانداردىڭ پايداسىن ەسەلەي تۇسۋدە.

Abai.kz