سارىاعاش اۋدانىنداعى «ارسەن» كووپەراتيۆى مال شارۋاشىلىعىن ەندى وزىمىزدە وندىرىلەتىن جەممەن تولىقتاي قامتاماسىز ەتەدى. ديحاندار سىرتتان اكەلىنەتىن مال ازىعىنا قاراعاندا جەرگىلىكتى جەمنىڭ ساپاسى جوعارى دەيدى. ءارى باعاسى دا ارزان.

«شىڭعىس» جشس بازاسىندا جەمدى قايتا وڭدەۋگە ارنالعان تسەح جاقىن كۇندەرى ءوز جۇمىسىن باستاماق. تسەحتىڭ قۇرىلىس جۇمىستارىنا كەتكەن شىعىن از ەمەس — 35 ملن تەڭگە. الايدا ديحاندار قىمبات مال ازىعىن وزگە ايماقتاردان ساتىپ العانشا، ءوزىمىز وڭدەگەنىمىز ءتيىمدى دەپ وتىر.

نۇربولات تاليپوۆ، سارىاعاش اۋدان اكىمىنىڭ ورىنباسارى: «بىلتىر اۋداندا مال بورداقىلايتىن 132 كىشىگىرىم الاڭشا اشىلعان بولاتىن. ەندى سولاردى جەپ-شوپپەن قامتاماسىز ەتۋ ءۇشىن تسەحتى اشىپ وتىرمىز. اۋدانىمىز — اگرارلى ولكە، ءبىر شەتىنەن ادامداردى دا جۇمىسپەن قامتىپ وتىرمىز. ەندى بارلىق وتباسىلىق شاعىن فەرمالار مال ازىعىن وسى جەردەن الاتىن بولادى».

سارىاعاش اۋدانىندا كەڭەس وكىمەتى كەزىنەن بەرى جەمدى قايتا وڭدەيتىن 17 تسەح جۇمىس جاسايدى. الايدا ەسكىرگەن جابدىقتار تۇرعىنداردى تەك 30-40 پايىز جەممەن عانا قامتاماسىز ەتىپ كەلگەن. ال جاڭا جابدىقتارمەن جابدىقتالعان ءوندىرىس ورنى ەندى ساعاتىنا 5 تونناعا دەيىن قايتا وڭدەپ، وزگە دە قاجەتتىلىكتى وتەۋگە مۇمكىندىك بەرەدى.

جيەنباي شىڭعىسوۆ، «شىڭعىس» جشس توراعاسى: «قازىر بىزدە بارلىعى دايىن. تەك تازالاۋ، مايلاۋ سياقتى ۇساق-تۇيەك جۇمىستار عانا قالدى. شوپتەردى اكەلىسىمەن جۇمىستى باستايمىز. سونىمەن قاتار دايىن ءونىمدى ساقتايتىن جەر دە بولادى جانە وسى جەردە مالداردى جەمدەيتىن بولامىز.»

اۋىل-وندىرىستىك كووپەراتيۆى وسىلايشا مال شارۋاشىلىعىن دامىتۋعا ىقپالىن تيگىزىپ وتىر. تەك جيەنباي شىڭعىسوۆتار شارۋاشىلىعىنىڭ وزىندە بيىل ءبىر جارىم مىڭ باس ءىرى قارا مالدى بورداقىلايتىن تسەح اشىلماق.

مۇنداي شارۋاشىلىققا جەمنىڭ قاجەتتىلىگى ايتپاسا دا تۇسىنىكتى. ال الەۋمەتتىك-وندىرىستىك كووپەراتيۆى جەمدى قايتا وڭدەيتىن تاعى ءبىر تسەحتى ىسكە قوسۋدى جوسپارلاپ وتىر. بۇل كووپەراتيۆتىڭ بارلىق شىعىنىن جابادى دەيدى شارۋا باسشىلارى.

Abai.kz