بايدىبەك اۋدانىنىڭ ەكونوميكاسىن دامىتۋ ماقساتىندا 11 ينۆەست جوبا ىسكە اسىرىلۋدا. اۋدان الەۋەتىن ارتتىرۋ ماقساتىندا قوسىمشا ينۆەستيتسيالار تارتۋ بويىنشا ءۇش باعىتتا جۇمىس اتقارىلۋدا.

ءبىرىنشى باعىتتا جالپى قۇنى 929 ملن تەڭگە بولاتىن تراۆەرتين تاستارىن وندىرەتىن ءتورت جوبا بولسا، ەكىنشىسى رەتىندە بالامالى ەلەكتر ەنەرگياسىن وندىرەتىن تاعى دا ءتورت جوبا ىسكە اسپاق. ال ءۇشىنشى باعىتتاعى جوبالار اۋىل شارۋاشىلىعى سالاسىنا ارنالىپ وتىر. 

"ولار تاۋارلى ءسۇت فەرماسى جانە ءسۇتتى قايتا وڭدەۋ زاۋىتى مەن اسىل تۇقىمدى ءىرى قارا مال شارۋاشىلىعى جانە قۇرىلىس ماتەريالدارىن شىعاراتىن ءوندىرىس ورىندارى جانە وڭىردەگى مال باسىن كوبەيتىپ، اسىل تۇقىمدى مال شارۋاشىلىعىن ورىستەتۋ ءۇشىن الدىمەن جايىلىمدىق جەر كولەمىن ۇلعايتۋ كۇن تارتىبىندەگى ماسەلە بولىپ تۇر".دەدى اۋدان باسشىسى.

ودان بولەك وبلىس اكىمىنىڭ يندۋستريالدى ايماقتار قۇرۋ تۋرالى تاپسىرماسىنا سايكەس بورالداي اۋىلدىق وكرۋگىندەگى جىلاندى ەلدىمەكەنىنەن 21 گا جەر بەلگىلەنگەن. قاجەتتى ينفراقۇرلىم تارتۋعا 326,6 ملن تەڭگە قارالىپ، قۇرىلىس جۇرۋدە.

سونداي-اق، يندۋستريالدى ايماقتى ۇلعايتۋ ماقساتىندا قوسىمشا 39 گا جەر بەلگىلەنىپ، ناتيجەسىندە 60 گا جەتىپ وتىر. بۇل ايماققا جوعارىدا اتالعان تراۆەرتين تاستارىن وندىرەتىن ءتورت زاۋىت ەنگىزىلمەك.

سونىمەن قاتار اۋداننان 895 گا جەر تەلىمى اراب ينۆەستورى شەيح حاليفانىڭ قۇس ءوسىرۋ ورتالىعىنا بەرىلىپ، بۇگىنگە دەيىن مۇندا 3,5 ملرد تەڭگە شەتەل ينۆەستيتسياسى تارتىلدى. وندا 120 ادام جۇمىس اتقارسا، ونىڭ 30 پايىزى — اۋدان تۇرعىندارى.

الداعى ۋاقىتتا جوبانىڭ ەكىنشى كەزەڭى ىسكە اسىپ، تاعى 3,5 ملرد تەڭگە شەتەل ينۆەستيتسياسى تارتىلماق. اۋدان اكىمدىگى مەن قۇس ءوسىرۋ ورتالىعىنىڭ باسشىلىعى اراسىندا كەلىسىم جاسالىپ، جوبانى جۇزەگە اسىرۋ ناتيجەسىندە جاڭادان اشىلاتىن 400-گە جۋىق جۇمىس ورنىنىڭ 80 پايىزىنا بايدىبەكتىك تۇرعىندار قامتىلاتىن بولادى.

سونىمەن قاتار قوسىمشا كىرىس كوزدەرىن قالىپتاستىرۋ ءۇشىن قۇس ءوسىرۋ ورتالىعىن سالىق تولەۋشى رەتىندە اۋدان ەسەبىنە تىركەۋ ماقساتىندا ءتيىستى جۇمىستار اتقارىلۋدا دەپ باياندادى سالا جاۋاپتىلارى.

Abai.kz