«ماكسيمۋم» ايماقتىق ينۆەستيتسيا ورتالىعى اشىلعالى بەرى تۇركىستان قالاسى بويىنشا جالپى سوماسى 2,9 ملرد تەڭگەنى قۇرايتىن 1038 جوبا قارجىلاندىرعان. ونىڭ ىشىندە 1,6 ملرد تەڭگەنى قۇرايتىن 1018 جوبا «ىرىس» ميكروقارجى ۇيىمىنا تيەسىلى.

قازىرگى تاڭدا اتالمىش جوبالار ءساتتى جۇزەگە اسىپ، كاسىپكەرلەر ەڭبەگىنىڭ جەمىسىن كورىپ وتىر. سولاردىڭ ءبىرى «ديدار» شارۋا قوجالىعى 3 گەكتار جەرگە جىلىجاي كەشەنىن ۇيىمداستىرۋ ماقساتىندا 2014 جىلى «ماكسيمۋم» ايو-نان 270 ملن تەڭگە نەسيە العان. بۇگىندە كاسىپكەر ونىمدەرىن تەك قانا جەرگىلىكتى نارىق ەمەس، رەسەي ەلىنە دە ەكسپورتقا شىعارۋ ارقىلى جىلىجايدىڭ جۇمىسىن جۇيەلى جولعا قويىپ، ءبىرشاما تابىس كوزىنە اينالدىرعان.

ال يندۋستريالدى ايماقتا ورنالاسقان «Grand Miks» جيھاز تسەحى عيماراتىن زاماناۋي جابدىقتارمەن تولتىرۋدا. «ماكسيمۋم» ايو-نان 68 ملن تەڭگە كولەمىندە الىنعان نەسيە قىتاي ەلىنەن ەڭ سوڭعى ۇلگىدەگى جابدىقتاردى ساتىپ الۋعا جۇمسالعان. قازىرگى تاڭدا قاجەتتى جابدىقتارىن ورناتىپ، تسەحتىڭ جۇمىسىن باستاپ جىبەرگەن كاسىپكەردىڭ الداعى ماقساتتارى ايتارلىقتاي اۋقىمدى.

ال اعاش وڭدەۋ تسەحىنا 12 ملن تەڭگە كولەمىندە نەسيە العان جەكە كاسىپكەر نۇرلان ساۋلەباەۆقا «ىرىس» مقۇ تاراپىنان قولداۋ كورسەتىلگەن. كاسىپكەر بۇگىندە ءوز جۇمىسىن جولعا قويۋمەن قاتار 20-عا جۋىق جەرگىلىكتى تۇرعىندى جۇمىسپەن قامتىپ وتىر. نەسيەنىڭ نەسىبىن كورىپ، تابىستىڭ كوزىن تاپقان كاسىپكەر الداعى ۋاقىتتا ميكروقارجى ۇيىمىنان تاعى دا جەڭىلدەتىلگەن نەسيەنى الۋعا جوسپار قۇرىپ وتىر.

سونىمەن قاتار كاسىپكەر ەربول اشاباەۆ 3 اي بۇرىن ءىرى قارا مال بورداقىلاۋ جانە جىلىنا 70 توننا ەت ءوندىرۋ ماقساتىندا «ىرىس» مقۇ-نان 9 ملن تەڭگە نەسيە الىپ، قوجالىق جۇمىسىن اناعۇرلىم جولعا قويعان. وسىلايشا ءوز وڭىرىندە مال شارۋاشىلىعىن دامىتۋعا ەلەۋلى ۇلەسىن قوسۋدا.

Abai.kz