كۇرىش ءوندىرىسىنىڭ العى شەبىندە كوش باستاپ جۇرەتىن قارماقشى اۋدانىنىڭ ديقاندارى بيىلعى جىلى دا بەرەكە بيىگىنەن كورىنە ءبىلدى. اۋدان ەڭبەككەرلەرى جينالعان كۇرىشتىڭ ءار گەكتارىنان 58,3 تسەنتنەردەن ءونىم جينادى. بۇل وبلىستىڭ ورتاشا كورسەتكىشىنەن 3,4 تسەنتنەرگە ارتىق. ال ءىىى ينتەرناتسيونال اۋىلىنا قاراستى شارۋاشىلىقتار بۇرىن-سوڭدى بولماعان ونىمگە قول جەتكىزدى. اتاپ ايتقاندا، «دوستىق جەر مك» سەرىكتەستىگى مەن «تالاس» شارۋا قوجالىعى كۇرىشتىڭ ءار گەكتارىنان 55 تسەنتنەردەن ءونىم جيناسا، «اقنيەت» جانە «بولاشاق» شارۋا قوجالىقتارى 50 تسەنتنەردەن ءونىم الدى. بۇل بىرلىك پەن تاتۋلىقتى تۋ ەتىپ كوتەرگەن اۋىل تۇرعىندارىنىڭ وراسان زور ەڭبەگىنىڭ ارقاسىندا كەلدى.

ايماق باسشىسى ديقانداردى وسىنداي جوعارى ناتيجەلەرىمەن قۇتتىقتاي وتىرىپ، سوڭعى جىلدارى اۋىل ديقاندارى وزىق تەحنولوگيالار مەن جاڭا جوعارى ساپالى كۇرىش سۇرىپتارىن قولدانىپ جاتقاندىعىن اتاپ ءوتتى.

– ءىىى ينتەرناتسيونال اۋىلىنىڭ سىر ەلىندەگى ورنى ەرەكشە. اۋىزبىرشىلىك پەن ىنتىماقتىڭ، «الەمنىڭ ءامىرشىسى – ەڭبەكتىڭ» ناعىز ۇلگىسى ءىىى ينتەرناتسيونال اۋىلىنان تابىلادى، – دەگەن ايماق باسشىسى اۋىل تۇرعىندارىن «التىن ءدان-2016» مەرەكەسىمەن قۇتتىقتادى. 

شيرەك عاسىر ۋاقىتتا قازاقستاننىڭ الەۋمەتتىك-ەكونوميكالىق دامۋىندا ۇلكەن تابىستارعا قول جەتكىزىلدى. سىر ءوڭىرى دە ەلىمىزدىڭ تولاعاي تابىستارىنا ەلەۋلى ۇلەس قوسىپ كەلەدى. ەلباسىنىڭ «قازاقستاننىڭ تاۋەلسىزدىك جىلدارىنداعى جەتىستىكتەرىن ءبىر عانا قىزىلوردا وبلىسىنان كورۋگە بولادى» دەگەن پىكىرى ءبارىمىز ءۇشىن ۇلكەن باعا.

بيىل سىر ديقاندارى اۋىل شارۋاشىلىعىندا ەڭبەكتىڭ ەرەن جەتىستىكتەرىن باعىندىرىپ، جوعارى بەلەستەردى مويىن¬داتۋدىڭ ۇلگىسىن كورسەتىپ، ءوڭىردىڭ نەگىزگى داقىلى – كۇرىشتىڭ ءار گەكتارىنان 54,9 تسەنتنەردەن ءونىم الىپ، 440 مىڭ تونناعا جۋىق سىر كۇرىشىن قامباعا قۇيدى. وسىلاي ءتورتىنشى جىل قاتارىنان تاۋەلسىز قازاقستاننىڭ كۇرىش ءوندىرىسى تاريحىنداعى ەڭ جوعارى رەكوردتىق كورسەتكىشكە قول جەتكىزگەن سىر ديقاندارىنا ەلباسى ەرەكشە ريزاشىلىعىن ءبىلدىرىپ، ارنايى جەدەلحات جولدادى. وتكەن جىلعا قاراعاندا كۇرىش 4 مىڭ گەكتارعا كەم ەگىلگەنىمەن، جينالعان استىق كولەمى بىلتىرعىدان اسىپ ءتۇستى. وسىنىڭ ارقاسىندا، ەگىنشىلەرىمىز رەكوردتىق كورسەتكىشتى ءتورتىنشى جىل قاتارىنان قايتالادى!

– وسى جەردە مەن وبلىستىڭ اۋىل شارۋاشىلىعى سالاسىنداعى ءىرى جانە ىرگەلى كاسىپورىننىڭ باسشىسى، وسى شارۋا¬شى¬لىقتىڭ ينۆەستورى – «جان-اراي» سەرىك¬تەستىگىنىڭ ديرەكتورى ماقاشوۆ باعداۋلەت ەركىنبەكۇلىنا ەرەكشە ريزاشىلىعىمدى بىلدىرگىم كەلەدى.

ناقتى ايتاتىن بولسام، «دوستىق جەر» شارۋاشىلىقتىڭ كەپىلدىكتە تۇرعان 2 مىڭ گەكتار جەردىڭ ماسەلەسىن شەشىپ، سوڭعى ءۇش جىلدا 500 ملن تەڭگەگە جاڭا زاماناۋي اۋىلشارۋاشىلىق تەحنيكالاردى ساتىپ الىپ، شارۋاشىلىقتىڭ ماشينا-تراكتور پاركى تولىق جاڭاردى. سونىمەن بىرگە، ۇلانعايىر دالا توسىندە ەرەن ەڭبەگىمەن ايانباي تەر توگىپ، بەينەتىنىڭ زەينەتىن كورىپ، شارۋا¬شىلىقتى باسقارىپ جۇرگەن اريفوۆ ميليار باستاعان تۇرىك باۋىرلاردىڭ ەڭبەك اۋلەتىن ماقتانىشپەن ايتىپ كەتكەنىمىز ءجون. بۇل اۋلەت وبلىسىمىزدىڭ ەڭبەك ديناستيالارى فورۋمىندا  ەرەكشە اتالىپ وتكەن بولاتىن.

بۇگىندە قازاقستاندى قۇتتى مەكەن ساناعان ءىىى ينتەرناتسيونال اۋىلىندا 14 ۇلتتىڭ وكىلى تۇرادى. ولاردىڭ ءجۇزى بولەك بولعانىمەن، جۇرەگى ءبىر، ءتىلى بولەك بولعانىمەن، تىلەگى ءبىر، ارمانى ورتاق. ءبىز – ء«بىر ەل – ءبىر تاعدىر» دەگەن ۇستانىمىمىز بەن بىرلىگىمىزدى ساقتاپ كەلە جاتقان ەلمىز، – دەگەن  ايماق باسشىسى بەرەكەلى اۋىلدا اتقارىلعان شارۋانى جوعارى باعالادى.

سالتاناتتى شارا سوڭىندا ەرەن ەڭبەكتىڭ ۇلگىسىن كورسەتكەن ەكى ەگىس بريگاداسىنىڭ جەتەكشىلەرىنە وبلىس اكىمى «لادا كالينا» جەڭىل اۆتوكولىكتەرىنىڭ كىلتىن تابىستادى. سونىمەن بىرگە، اۋىلشارۋاشىلىقتىڭ 80 جۇمىسشىسى باعالى سىيلىقتارمەن ماراپاتتالدى.

ساپار بارىسىندا وبلىس اكىمى اۋىل ورتالىعىندا 100 ورىندى جاڭادان سالىنعان «بادي نۇر kz» بالاباقشاسىنىڭ جۇمىسىمەن تانىستى. اتالعان نىسان «جۇمىسپەن قامتۋ – 2020 جول كارتاسى» باعدارلاماسىنىڭ ءىى باعىتى بويىنشا «بايقوڭىر» اكك» ۇك ارقىلى 50 ملن تەڭگەگە سالىندى. مەكتەپكە دەيىنگى ءبىلىم بەرۋ مەكەمەسىنىڭ تاربيەلەۋ-وقىتۋ پروتسەسى مەملەكەتتىك ءبىلىم ستاندارتى بويىنشا «بالاباقشاداعى وقىتۋ مەن تاربيەلەۋ باعدارلاماسىنا» سايكەس «بالاپان باعدارلاماسى بويىنشا» جۇزەگە اسىرىلۋدا.

وسى كۇنى سىرداريا اۋدانى و.مالىباەۆ اۋىلىندا «قىزىلديقان» جانە «باق» شارۋا قوجالىقتارىنىڭ ديقاندارى «التىن ءدان-2016» مەرەكەسىندە ماراپات تۇعىرىنان كورىندى. ەڭبەكشىلەر مەرەيىن تاسىتقان شاراعا وبلىس اكىمى قىرىمبەك كوشەرباەۆ قاتىسىپ، ەل قۋانىشىن ءبولىستى.

وبلىس بويىنشا سىرداريا اۋدانى بيىل دا «ەگىن شارۋاشىلىعى بويىنشا وزات اۋدان» اتالىمىن يەلەنگەن بولاتىن. اۋداندا بۇل نوميناتسيا «قىزىلديقان» شارۋا قوجالىعىنا بۇيىردى. شارۋاشىلىق 850 گەكتارعا كۇرىش ەگىپ، ونىڭ ءار گەكتارىنان 82,5 تسەنتنەردەن ءونىم جينادى.      

بيىل سىرداريا اۋدانى بويىنشا 18360 گەكتارعا كۇرىش داقىلى ورنالاستىرىلدى. ورتاشا ەسەپپەن گەكتارىنا 56,7 تسەنتنەردەن ءونىم الىنىپ، 1 ملن تسەنتنەردەن استام استىق جينالدى. وسى جەتىستىك سىرداريا اۋدانى ديقاندارىنىڭ ءتورتىنشى جىل قاتارىنان ۇزدىكتەر ساپىنان كورىنۋىنە جول اشتى. وسىنداي جەتىستىكتەرگە قول جەتكىزۋگە وندىرىسكە جاڭا تەحنولوگيالاردى ەنگىزۋ، تيىمدىلىگى جوعارى جاڭا تەحنيكالاردى پايدالانۋ ءوز سەپتىگىن تيگىزگەنى انىق. سالتاناتتى جيىندا ايماق باسشىسى وبلىستىڭ اۋىل شارۋاشىلىعى سالاسىنداعى ءىرى جانە ىرگەلى كاسىپورىننىڭ جەتەكشىسى، وسى شارۋاشىلىقتىڭ ينۆەستورى – «جان-اراي» سەرىكتەستىگىنىڭ ديرەكتورى باعداۋلەت ماقاشوۆتىڭ اگروسالاداعى ىرگەلى باستامالارىنا توقتالىپ ءوتتى.

ينۆەستوردىڭ كومەگىمەن «قىزىل¬ديقان» جانە «باق» شارۋاشىلىقتارىنىڭ ماشينا-تراكتور پاركى تولىق جاڭارتىلىپ، سوڭعى ءۇش جىلدا 900 ملن تەڭگەگە جاڭا تەحنيكالار ساتىپ الىندى. تۇقىم دايىنداۋ اگروكەشەنىن سالۋعا دا كاسىپكەر 600 ملن تەڭگە ينۆەستيتسيا تارتتى.

– «ماڭگىلىك ەل» يدەياسى، تاۋەلسىزدىك رۋحى ءۇشىن ايانباي تەر توگىپ، جاس ۇرپاقتى باياندى بولاشاق ماقساتىنا تاربيەلەۋىمىز قاجەت. سوندا عانا ءبىزدىڭ مەرەيىمىز اسقاق بولىپ، مارتەبەمىز بيىكتەي بەرەدى. الداعى كەلە جاتقان مەرەيلى مەرەكەمىز 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى جانە تاۋەلسىزدىگىمىزدىڭ 25 جىلدىعى  قۇتتى بولسىن! ەل ءۇشىن جاساعان جۇمىستارىڭىز ءاردايىم تابىس¬تى، باستامالارىڭىز بەرەكەلى بولسىن! ەلىمىز، ەلباسىمىز امان بولسىن! – دەگەن وبلىس اكىمى دالا ەڭبەككەرلەرىن تابىس تورىنەن كورىنە بەرۋلەرىنە تىلەكتىستىگىن ءبىلدىردى.  

مەرەكەلىك كەشتە اۋىل شارۋاشىلىعى سالاسىندا ۇزدىك ماماندار ەڭبەگى باعالاندى. ءارتۇرلى نوميناتسيالار بويىنشا وزات ەڭبەككەرلەر ماراپاتتالىپ، باعالى سىيلىقتار تابىستالدى. اتاپ ايتقاندا، تاحير ەرعاليەۆ،  ابسادىق ماحانوۆ، جانكەلدى سمايلوۆ، جاسۇلان نۇرىمبەت، جارقىن شادەنوۆا، الىبەك مىقباەۆ سىندى مايتالماندار اۆتوكولىك مىنسە، قوس شارۋاشىلىقتىڭ جۇزدەن استام ەڭبەككەرلەرى باعالى سىيلىقتارمەن ماراپاتتالدى.