22 قاراشا، 10:00-دە InterContinental قوناقۇيىندە («اباي» ءماجىلىس زالى) قازاقستانداعى ونلاي ءبىلىم بەرۋدى دامىتۋ پەرسپەكتيۆالارىنا ارنالعان القالى جيىن وتەدى.

كەزدەسۋ بارىسىندا «كسەلل» كومپانياسى مەن «WikiBilim» قوعامدىق قورى العاشقى وتاندىق ونلاين ۋنيۆەرسيتەتتىڭ ىسكە قوسىلعاندىعىن جاريالاپ، ول جايىندا تولىعىمەن ايتىپ بەرەدى.

قازاقستان رەسپۋبليكاسى ءبىلىم مينيسترلىگى مەن ەلىمىزدىڭ جەتەكشى جوو-نىڭ وكىلدەرى، عىلىمي-زەرتتەۋ ينستيتۋتتارى (قبتۋ، قازۇزتۋ، سدۋ، ماتەماتيكا جانە ماتيماتيكالىق مودەلدەۋ ينستيتۋتى، ا. بايتۇرسىنوۆ اتىنداعى ءتىل ءبىلىمى ينستيتۋتى جانە ت.ب.), «كسەلل» اق مەن «WikiBilim» قوعامدىق قورى وكىلدەرى اتالعان شاراعا قاتىساتىندىعىن راستادى.

جيىن مودەراتورى: ەلەكتروندى ءبىلىم بەرۋ سالاسىنداعى Bilim Media Group جشس كومپانياسىنىڭ نەگىزىن قالاۋشى، "WikiBilim" قق قامقورشىلىق كەڭەسىنىڭ توراعاسى راۋان كەنجەحانۇلى.

شاراعا قاتىساتىندىقتارىڭىزدى حاتقا نەمەسە تەلەفونعا جاۋاپ بەرۋ ارقىلى راستاۋلارىڭىزدى وتىنەمىز: + 7 777 283 07 35 ماكسيم كالاچ.

اباي-اقپارات