«ۇلى دالا ۇلاعاتتارى» اتتى – ەلباسى نۇرسۇلتان نازارباەۆتىڭ ەڭبەگىن تولقىماي، تەبىرەنبەي، جۇرەكتى كەرنەگەن ماقتانىشپەن، بولاشاققا دەگەن سەنىممەن وقىماۋ مۇمكىن ەمەس.

تاۋەلسىزدىگىمىزدىڭ وڭاي جولمەن كەلمەگەنىن، ەل تاريحىنىڭ وتكەنى، بۇگىنى جانە بولاشاعىنا تالداۋ جاساي وتىرىپ، ەلباسى جاس ۇرپاققا ەل ەگەمەندىگىنىڭ وڭاي جولمەن كەلمەگەنىن جانە ونى ساقتاپ قالۋدىڭ سارا جولىن كورسەتىپ وتىر. «ۇلى دالا ۇلاعاتتارى» - جەڭىستىڭ كۇشى ءاردايىم بىرلىكتە ەكەنىن دالەلدەي كەلە، الداعى ۋاقىتتا ۇلت مۇددەسى ءۇشىن وتانسۇيگىشتىك، ۇلتجاندىلىق قاسيەتتەردى تۋ ەتىپ، ءبىر ماقسات پەن ءبىر مۇددە ارقىلى بيىك جەڭىستەرگە جەتەتىنىمىزدى جاس بۋىنعا امانات ەتىپ تاپسىرىلعان تۋىندى.

«ەلىمىزگە بويىنا اتا – بابامىزدىڭ ەل مەن جەرگە دەگەن سۇيىسپەنشىلىك قاسيەتى دارىعان، ەگەمەن ەلگە ايانباي قىزمەت ەتەتىن، وي – ءورىسى كەڭ، العىر دا جۇرەكتى، ساۋاتتى دا سالاماتتى ازاماتتار قاجەت.  وسەر – جاسقا ءورىس كەڭ، ونەگە مول. وسكەلەڭ ۇرپاق وزىنە كەرەكتى ءورىستى ءبىلىم مەن عىلىمنان تابادى. ەندەشە، جاقسىعا، جاڭاعا ۇمتىلۋ كەرەك. تۋعان ءتىلىڭدى، حالقىڭنىڭ تاريحىن، سالت – ءداستۇرىن ءبىل، زەردەلە، ويىرىڭدە ۇلگى تۇت. تاۋەلسىزدىككە قىزمەت ەتۋ جولىنداعى اقىلىڭ مەن قايراتىڭ ادال مۇرات، اسقاق ارمانعا تولى بولسا، باراتىن جەرىڭ، شىعاتىن ءتورىڭ دە بيىك بولماق.

باياعى ەرتەگىدە ايتىلعانداي، سولعا تارتسا سوقىلداق، وڭعا تارتسا ومپىلداق، تۋرا جۇرسە تورگە شىعار باعىت ايقىندالماق. سوندىقتان دا جاس ۇرپاق تۋرا جۇرۋگە ءتيىس. الدىندا ارمان تۇر، ارتىڭدا الاشىڭ تۇر. «وزگە ەلگە بارىپسۇلتان بولعانشا، ءوز ەلىڭدە ۇلتان بول» دەگەن بابانىڭ ءسوزى جۇرەگىڭنىڭ تورىندە، ورەڭنىڭ ورىندە بولسىن».

ەلباسىنىڭ بۇل ەڭبەگىن وسەر جاسقا ايتىلعان اقىل، وركەندى وسيەت دەپ قابىلداۋعا ءتيىسپىز.

جاس ۇرپاققا جۇرەكجاردى سىرىن، اقىل ويىن، قامقورلىقپەن ايتا كەلە، نۇرسۇلتان ءابىشۇلى بولاشاقتىڭ تىرەگى جاستار ەكەنىن تاعى دا ءبىر دالەلدەيدى.

«بۇل عاسىر – ەڭ الدىمەن، جاستارىمىزدىڭ عاسىرى. جاڭا مىڭجىلدىقتا قازاستاننىڭ بايراعى بيىك، تابىسى ەرەن، قورعانى بەرەن بولادى دەپ سەنەمىز. سەنىمنىڭ سەرگەكتىگى – ەلىڭنىڭ ەرجەتكەنى. ول – ءبىزدىڭ باقىتىمىز. ەلدىڭ باقىتى».

قازاقستاننىڭ ءبىلىم مەن عىلىمىنىڭ قارا شاڭىراعى، الەمدىك ءبىلىم كەڭىستىگىندە ءوزىنىڭ جەتىستىگىمەن الدىڭعى قاتاردا ورىنى بار ءال-فارابي اتىنداعى قازاق ۇلتتىق ۋنيۆەرسيتەتىنىڭ «ەكونوميكا جانە بيزنەس جوعارى مەكتەبى» ۇجىمى ەلباسىنىڭ «ۇلى دالا ۇلاعاتتارى» ەڭبەگىن ستۋدەنتتىك كونفەرەنتسيادا تالداپ، بۇل ەڭبەكتى ءوز بولاشاعىنىڭ باعدارشامى دەپ قابىلدادى. ء«بىز تاۋەلسىز ەلدىڭ ۇرپاعىمىز»، «ۇلى دالانىڭ ەركەسىمىز» - دەپ تەبىرەندى جاستارىمىز.  

«ۇلى دالا ۇلاعاتتارى» قازاقستان ازاماتىنىڭ جانىنا رۋحاني جىگەر بەرەتىن، وتكەندى ۇمىتپاۋ، بولاشاققا سەنىم، جانىنا جالىن قۇياتىن اسىل مۇرا.

ەكونوميكا جانە بيزنەس

 جوعارى مەكتەبىنىڭ دەكانى

ب.ج.ەرمەكباەۆا 

Abai.kz