قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسى اياسىندا «تەكتى ءسوزدىڭ تورەسى – تەرمە» رەسپۋبليكالىق جىرشى-تەرمەشىلەر بايقاۋىن وتكىزەدى.

شارا 2016 جىلدىڭ 24 قاراشاسىندا الماتى قالاسىنداعى «الاتاۋ» ءداستۇرلى ونەر تەاترىندا (العاباس-1,  6- ءۇي), ساعات 15.00-دە باستالادى.

 اتالعان بايقاۋعا ەلىمىزدىڭ 14 وبلىسىنان جانە استانا، الماتى قالالارىنان ءبىر ۇمىتكەردەن قاتىسىپ، ءوز باقتارىن سىنايتىن بولادى.

ۇلتتىق تاربيە مەن حالىقتىق ونەردى ناسيحاتتاۋعا باعىتتالعان بۇل بايقاۋدىڭ باستى ماقساتى جىرشىلىق-تەرمەشىلىك ونەرگە جاڭاشا سەرپىن بەرۋ ارقىلى ادەبي ءتىلدى دامىتۋعا، ءتىل مادەنيەتىن جەتىلدىرۋگە ۇلەس قوسۋ.

بايقاۋدا تانىمال جىرشى-تەرمەشىلەر، ءداستۇرلى انشىلەر، تانىمال ەسترادا جۇلدىزدارى ونەر كورسەتەدى.

شاراعا مادەنيەت جانە سپورت مينيسترلىگىنىڭ جاۋاپتى قىزمەتكەرلەرى، ونەرتانۋشىلار، جىرشى-تەرمەشىلەر، قوعام قايراتكەرلەرى، زيالى قاۋىم وكىلدەرى مەن بۇقارالىق اقپارات قۇرالدارىنىڭ وكىلدەرى قاتىسادى.

اباي-اقپارات