وتاندىق تاۋار وندىرۋشىلەر فورۋمى مەن «قازاقستاننىڭ ۇزدىك تاۋارى» كورمە-بايقاۋى استانادا 18-19 قاراشا كۇندەرى وتەدى

قوس شارا دا «كورمە» ورتالىعىندا وتۋدە، وندا وڭىرلىك كورمە-بايقاۋلاردا جەڭىپ شىققان 145 وتاندىق كومپانيا ونىمدەرىن نازارعا ۇسىندى. «قازاقستاننىڭ ۇزدىك تاۋارى» كورمە-بايقاۋى مەن «ۇلى دالا ەلى» وتاندىق تاۋار وندىرۋشىلەردىڭ فورۋمىنىڭ قاتار وتكىزىلۋى، ەلدەگى ءىرى تاپسىرىس بەرۋشىلەر (مەملەكەتتىك مەكەمەلەر، ۇلتتىق حولدينگتەر مەن كومپانيالار) مەن وتاندىق تاۋار ءوندىرۋشى كاسىپورىنداردى ورتاق ارناعا تابىستىرۋعا مۇمكىندىك بەرىپ، ونىڭ اياسىندا وتكەن ۆ2ۆ سيپاتىنداعى كەزدەسۋلەردە اتالعان سالاداعى كوپتەگەن ماسەلەلەر تالقىعا تۇسپەك.

تاپسىرىس بەرۋشى تاراپتار ءىس جۇزىندە قازاقستاندا قانداي تاۋارلار جاسالاتىنىن ءوز كوزىمەن كورە الادى.

«قازاقستاننىڭ ۇزدىك تاۋارى» كورمە-بايقاۋى ءۇش اتالىم بويىنشا وتكىزىلەدى: «وندىرىستىك ماقساتتاعى ۇزدىك تاۋارلار»; «حالىق تۇتىناتىن ۇزدىك تاۋارلار»; «ۇزدىك ازىق-تۇلىك تاۋارلارى».

بايقاۋ جۇلدەگەرلەرى ءار اتالىم بويىنشا ءى، ءىى جانە ءىىى دارەجەلى «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىنىڭ ديپلومدارىمەن جانە تانىم بەلگىسىمەن ماراپاتتالادى. جەڭىسكە جەتكەن كومپانيالار ءتورت جىل بويى بايقاۋ بەلگىسىن جارنامالىق ماقساتتا قولدانا الادى.

«ۇلى دالا ەلى» وتاندىق تاۋار وندىرۋشىلەردىڭ ءىى فورۋمى قازاقستان كاسىپكەرلەرىن قولداۋدى كوزدەيدى جانە ونىڭ اياسىندا بەلدى تۇلعالار سۇراقتارعا جاۋاپ بەرىپ، ۆ2ۆ سيپاتىندا كەزدەسۋلەر وتەدى.

فورۋمدا بيزنەستىڭ تابىستى وركەندەۋىنە جول اشاتىن ۇزاق مەرزىمدى كەلىسىمشارتتارعا قول قويىلادى. ۇزاق مەرزىمگە ارنالعان شارتتاردىڭ ءمانىسى سوندا، ءوندىرىستى جاڭعىرتىپ، كومپانيالاردىڭ ينۆەستيتسيالىق تارتىمدىلىعىن ارتتىرۋعا مۇمكىندىك تۋادى، نەسيەگە قولجەتىمدىلىك جاقسارادى، قوسىمشا ءوندىرىس جەلىلەرى ىسكە قوسىلادى جانە تاعى باسقا.

«ۇلى دالا ەلى» برەندىن قولدانۋ قۇقىعى جىل سايىن، قازاقستان برەندىن حالىقارالىق اۋقىمدا العا جىلجىتۋعا دەن قويعان، ۇزدىك وتاندىق تاۋار وندىرۋشىلەر مەن قىزمەت كورسەتۋشىلەرگە تابىستالادى.

بايقاۋدا ءىرى، ورتا جانە شاعىن بيزنەس وكىلدەرى قاتار باق سىناۋدا. ناتيجەسىندە ءۇش ۇمىتكەر لاۋرەات اتانىپ، «ۇلى دالا ەلى» برەندىن قولدانۋ قۇقىعىن يەلەنەدى.

«ۇلى دالا ەلى» بەلگىسى ساپالى ونىمدەر مەن قىزمەتتەردى ءبىر برەند اياسىندا بىرىكتىرۋگە، ەل ابىرويىن اسقاقتاتۋعا مۇمكىندىك بەرەدى.

ءبىر جاعىنان بۇل، جەڭىمپازدارعا قوسىمشا مۇمكىندىكتەر مەن جەڭىلدىكتەر ۇسىنىلاتىنىن ەسكەرسەك، تاۋار وندىرۋشىلەرگە قوزعاۋ سالىپ، ىنتالاندىرار بولسا، ەكىنشى جاعىنان، قازاقستاننىڭ حالىقارالىق ورتاداعى بەدەلىن وسىرە تۇسەدى.

18 قاراشادا ساعات 10:00-دەن باستاپ ءىس-شارانىڭ تىكەلەي ترانسلياتسياسىن كەلەسى سىلتەمەلەر ارقىلى كورۋگە بولادى:

- «اتامەكەن» ۇكپ رەسمي سايتىندا: http://palata.kz/ru

- Facebook الەۋمەتتىك جەلىسىندەگى ۇكپ رەسمي پاراقشاسىندى: https://www.facebook.com/palatakaz/?ref=br_rs&pnref=lhc

- Atameken Business Channel ەفيرىندە http://abctv.kz/ru/tv

-  Atameken Business Channel Facebook الەۋمەتتىك جەلىسىندەگى پاراقشاسىندا https://www.facebook.com/abctv.kz/?fref=ts

Abai.kz