قر پارلامەنتى ءماجىلىسىنىڭ ەكس-سپيكەرى قابيبوللا جاقىپوۆتىڭ ۇلى ءىرى سومادا پارا الىپ ۇستالدى، دەپ حابارلايدى كتك ارناسى.

دەپۋتاتتىڭ  ۇلى  اسلان جاقىپوۆ «بايتەرەك Development-ءتىڭ» باسقارما توراعاسىنىڭ ورىنباسارى اسلان جاقىپوۆ. ول 28 ميلليون تەڭگەنى تالان-تاراجعا سالماق بولىپتى.

جەمقورلىققا قارسى ۇلتتىق بيۋرو تۇرعىن ءۇي قۇرىلىسىنا جاۋاپتى ۇلتتىق «بايتەرەك» حولدينگىنىڭ 3 لاۋازىمدى مەنەدجەرىن پارامەن ۇستاعان. ولار مەملەكەتتىك «نۇرلى جول» باعدارلاماسىنا بولىنگەن قىرۋار-قارجىنى ءوزارا بولىسكە سالماق بولىپتى.

دالىرەك ايتساق، 40 جاستاعى توپ-مەنەدجەر «بايتەرەك Development-ءتىڭ» باسقارۋشى ديرەكتورلارى باۋىرجان ايتىمبەتوۆ جانە عازيز ساريەۆپەن بىرگە «نۇرلى جول» باعدارلاماسىنا بولىنگەن قىرۋار قارجىنى تەندەردەن كاسىپكەرلەرگە الىپ بەرۋ ءۇشىن اۋىسباستىرىق الىپ وتىرعان دەپ ايىپتالۋدا. تەرگەۋ ماتەريالدارىنا قاراعاندا، توپ-مەنەدجەرلەر بۇل اقشاعا  پاۆلودار قالاسىندا بيۋدجەتتىڭ 3 ميلليارد تەڭگەسىنە سالىنىپ جاتقان 9 قاباتتى ءۇيدىڭ اكتىسىنە قول قويىپ بەرمەك بولعان.

ايتا كەتەيىك، اسلان جاقىپوۆ  "بايتەرەك DEVELOPMENT" اق باسقارماسىنىڭ باسشىسى ورىنباسارى قىزمەتىنە 2016 جىلدىڭ ناۋرىز ايىندا كەلگەن بولاتىن. 

Abai.kz