ورىس گازەتتەرى كوبەيىپ، قازاق گازەتتەرى جابىلىپ جاتىر
قر اقپارات جəنە كوممۋنيكاتسيالار ءمينيسترى دəۋرەن اباەۆتىڭ جəنە قر ءماجىلىس پەن سەنات دەپۋتاتتارىنىڭ نازارىنا!
قۇرمەتتى ءھام قۇزىرەتتى ەل اعالارى! سىزدەردىڭ ەل ءۇشىن جاساپ جاتقان قىزمەتتەرىڭىزدى باعالاي، ءəرى ىستەرىڭىزگە ساتتىلىك تىلەي وتىرىپ نازارلارىڭىزعا كوپتى تولعاندىرىپ جۇرگەن ءبىر ماسەلەنى ۇسىنباقپىن!
Əڭگىمە جارناما جايلى. جاۋىر بولعان تاقىرىپ. Əيتسە دە، تاعى ءبىر ايتۋعا تۋرا كەلىپ تۇر.
كەيىنگى ۋاقىتتا قازاق ءتىلدى باسىلىمدار جابىلىپ نەمەسە سايتقا اينالعان جاعداي كوپ. مىسالعا، رەسپۋبليكالىق "نۇر استانا", "حالىق ءسوزى", "الاش ايناسى" گازەتتەرى. وسىنداي ۇلكەن باسىلىمدار جابىلىپ جاتقاندا وبلىستارداعى تاۋەلسىز باسىلىمداردىڭ حال-جايى ايتپاسا دا بەلگىلى.
قازاق باسىلىمدارى كۇيرەۋىك كۇي كەشىپ جاتسا ءورىستىلدى باسىلىمدار كەرىسىنشە كوبەيىپ، وركەندەپ كەلەدى. ءبىز بۇل تۇستا ۇكىمەت پەن ونىڭ ساياساتىن كىنالاۋدان اۋلاقپىز. نارىقتىق قوعام بولعان سوڭ əر باسىلىم ءوز كۇنىن ءوزى كورۋ كەرەك ەكەنىن دە بىلەمىز. بىراق، ءورىستىلدى گازەتتەر ءومىر سۇرۋگە بەيىمدى، قازاقتىلدى گازەت əلجۋاز دەگەنگە تاعى كەلىسپەيمىز. كەلىسپەۋگە سەبەپ بار.
ايتاتىن ۋəج مىناۋ:
ءبىز قازاقستاندىق كاسىپكەرلەر مەن بانكتەردىڭ قالتاسىنان ءورىستىلدى باسىلىمداردى ء(əرتۇرلى ساياسي باعىتتاعى) اسىراپ وتىرمىز. جارناما بەرۋشىنىڭ ءبəرى ءورىستىلدى گازەتكە جۇگىرەدى. ال قازاق گازەتىندە "ەسكە الۋ" مەن "قۇتتىقتاۋ", "نەكرولوگ". Əلبەتتە، جارناما ىزدەپ قازاق جۋرناليستەرى دە جان سالىپ كورگەن. بىراق، "جوق" دەگەن جاۋاپ الدان شىعا بەرەدى. مەملەكەتتىك تىلدە جارناما بەرۋگە قۇلىقسىز. ياعني، كاسىپكەرگە مەملەكەتتىڭ قولداۋى كەرەك تە، مەملەكەتتىك ءتىل كەرەك جوق دەگەن ءسوز. سوندا، بۇلاردىكى مەملەكەتتىڭ ساياساتىن قولداماعانى بولىپ شىقپاي ما؟ ال ەگەر وسىلاي جالعاسا بەرەتىن بولسا تاۋەلسىز قازاق باسىلىمدارى جاپپاي جابىلىپ، مەملەكەتتىڭ بيۋدجەتىن ەمگەن بىرەن-ساران قازاق ءتىلدى گازەتتەر عانا قالاتىنى انىق. بۇل - تراگەديا!
سالدارى:
1) قازاق ءتىلىن قورلاعان مازاق جارناما. (ەگەر جارناما بەرۋشى تاراپ قازاق گازەتىمەن ىستەس بولسا ساۋاتسىز جارنامانى تامىرىمەن جويۋعا بولار ەدى.)
2) بۇنىڭ سالدارى قازاقستاننىڭ ىشكى ساياساتىنا دا كەرى əسەرىن تيگىزبەك. ويتكەنى جارنامانى ازىق ەتكەن ءورىستىلدى باسىلىم ساڭىراۋقۇلاقتاي كوبەيگەن ۇستىنە كوبەيىپ، قازاقتىلدى گازەت كەمىگەن ۇستىنە كەمي بەرەدى. تەپە-تەڭدىك ساقتالماسا نە بولاتىنىن سىزدەر جاقسى بىلەسىزدەر.
3) بۇعان ءتىل مəسەلەسىن قوسىڭىز.
4) تəۋەلسىز قازاق باسىلىمدارى بولماسا، ۇلتتىق يدەولوگيا قالاي قالىپتاسپاق؟
وسىنىڭ بارلىعى ءبىر عانا كۇرمەۋمەن بايلانعان. سىزدەردەن سۇرايتىنىمىز، جارناما تۋرالى زاڭدى قايتا قاراۋ. جəنە مەملەكەتتىڭ ىشكى ساياساتىنا ساي جارنامانىڭ مەملەكەتتىك تىلدە جاريالانۋىنا مىندەتتەۋ.
گازەتتەردى نارىققا بەيىمدەيمىز دەپ ءجۇرىپ نارىقتىڭ بەتىن گازەتكە بۇرۋدى ۇمىتقان سياقتىمىز.
ءبىزدىڭ ءورىستىلدى باسىلىمدارعا ەش قارسىلىعىمىز جوق. بىراق، قازاقتىلدى گازەتتەردىڭ شاڭىراعى شايقالىپ تۇر. ەگەر ءبىز ايتقان جارناما مəسەلەسى شەشىلەر بولسا مەملەكەتتەن گازەتتەرگە بولىنەتىن قارجى شىعىنىن دا ازايتۋعا مۇمكىندىك تۋار ەدى - اۋ.
بۇل ءبىر جاعى بازىنا، ءبىر جاعى ۇسىنىس دەپ قابىلداعايسىزدار!
جانات جاڭقاشۇلى، "ارقا اقشامى" گازەتىنىڭ باس رەداكتورى
Abai.kz
