"ەلىمىزدە بارلىق ءدىني بىرلەستىكتەردىڭ جۇمىس ىستەۋىنە بارلىق جاعداي جاسالىپ، ءدىن ۇستانۋ ەركىندىگىنە كەپىلدىك بەرىلگەن. ءبىز بۇل سالاداعى تىنىشتىقتى ساقتاۋىمىز كەرەك. سونىمەن قاتار ءدىني ەكسترەميزم، ماسەلەلەرىن تارتىپكە سالىپ، زاڭنامانى قايتا قاراۋ كەرەك. مينيسترلىكتىڭ الدىندا قىرۋار شارۋا تۇر" دەگەن نازارباەۆ. پرەزيدەنت ءدىني قاۋىمداستىقتارمەن، ۇكىمەتتىك ەمەس سەكتورمەن جانە جاستار ۇيىمدارىمەن جۇمىستاردى بۇدان ارى جونگە سالۋ قاجەتىن دە ايتقان.

قازاقستاندا 2011 جىلى قابىلدانعان ء"دىني قىزمەت جانە ءدىني بىرلەستىكتەر تۋرالى" زاڭ بويىنشا تىركەلمەگەن ءدىني ۇيىمداردىڭ قىزمەتىنە تىيىم سالىنعان. ەرمەكباەۆتىڭ مالىمەتىنشە، قازىر ەلدە 3600-دەن استام ءدىني بىرلەستىك جۇمىس ىستەيدى جانە ولاردىڭ كوپشىلىگى يسلام ءدىني بىرلەستىكتەرى.

قۇقىق قورعاۋشىلار قازاقستاندا وي-پىكىر ەركىندىگىن، ءسوز بوستاندىعىن، ءدىن مەن اسسوتسياتسيا قۇقىعىن شەكتەۋدى جانە سوت جۇيەسى تاۋەلسىزدىگىنىڭ ازدىعىن ادام قۇقىعى سالاسىنداعى ەڭ كۇردەلى ماسەلەلەر دەپ سانايدى.

Abai.kz