اق ءۇي ترامپ 6 ناۋرىزدا يران، سيريا، سۋدان، ليۆيا، سومالي جانە يەمەن ازاماتتارىنا 90 كۇنگە ۆيزا بەرۋدى توقتاتقانىن راستادى. اتالعان التى ەلدىڭ ازاماتتارىنىڭ وسىعان دەيىنگى العان ۆيزاسىنا تيىسپەيدى. ونى قولدانۋعا بولادى. قايتا قارالعان ەرەجە 16 ناۋرىزدا كۇشىنە ەنەدى، سونىمەن بىرگە بوسقىنداردى قابىلداۋ باعدارلاماسىن 120 كۇنگە توقتاتادى.

ترامپتىڭ 27 قاڭتاردا جاريالاعان يمميگراتسيا جونىندەگى ءبىرىنشى جارلىعىندا دا التى مۇسىلمان ەلدىڭ جانە يراكتىڭ ازاماتتارىنا 90 كۇنگە ۆيزا بەرۋدى توقتاتقان. قايتا قارالعان، جاڭا جارلىعىندا تىزىمنەن يراكتى جانە اقش-تا ۇنەمى تۇراتىن تۇراقتى تۇرعىنداردى الىپ تاستاعان.

ترامپ تىيىم ەلدىڭ قاۋىپسىزدىگىن قامتاماسىز ەتۋ ءۇشىن قاجەت دەيدى. ونى ەلدە ءدىني الاۋىزدىق تۋعىزىپ وتىر دەپ ايىپتايتىندار كوپ، بىراق اق ءۇي مۇنى جوققا شىعارادى.

اقپان ايىندا سيەتلدەگى فەدەرالدى سوت (شتات ۆاشينگتون) جەرگىلىكتى بيلىكتىڭ شاعىمىن قاراپ، پرەزيدەنت جارلىعىنىڭ كۇشىن جويعان. ادىلەت مينيسترلىگى اپەللياتسيالىق شاعىم بەرگەن، بىراق ول دا كەرى قايتارىلعان.

Abai.kz