قالي شالدىڭ "پىسسىمىللاسى"
Əر اۋىلدا ءبىر "قيسىق" شالدار بولادى. نە ايتساڭ دا ءوز پəلسəپاسىن ايتىپ قارسى شىعادى. قالي شال دا سونداي. قاشان كورسەڭ وزىنشە بولىپ جۇرگەنى. قۇرداستارىنىڭ ءوزى ودان اۋلاق جۇرۋگە تىرىسادى. سول قالەكەڭ بىردە ات ارباسىنا كەبۋ بۇتاقتاردان ىڭىرسىتا وتىن تيەپ الىپ، اۋىلعا بەت الماي ما! تيىسەرگە قارا تاپپاي، ءىشى پىسىپ كەلە جاتادى. جول جونەكەي ولىلەردىڭ مەكەنى - قابىرلەردىڭ تۇسىنان ءوتىپتى.
- وسى جۇرت مىنا جەردەن وتكەن سايىن ء"پىسسىمىللəلاپ" جاتادى. ال، ايتپايمىن مەن! ال، ء"پىسسىمىللا" دەمەيمىن! نە ىستەپ الاسىڭدار؟-دەپ اتىن قامشىمەن ءبىر سالىپ جىبەرىپتى. اربا جۇلقي قوزعالعاندا بىرەۋ قالي شالدىڭ جەلكەسىنەن بۇرە ءتۇسىپتى. ء"پىسسىمىللا" دەپ جانۇشىرىپ ايقاي سالعان عوي اتامىز. تەمىردەي قاتتى قۇرساۋ ودان ءəرى قىسا تۇسكەن. اتامىز ارباسىن شايقالتىپ اۋىلعا دەيىن شاۋىپ، شاڭداتقان كۇيى ەسىگىنىڭ الدىنا بارىپ ءبىر-توقتاپتى.
- ويباي، قۇتقارىڭدار! ء"پىسسىمىللا " دەدىم عوي، جىبەرە قويشى!- دەپ جان داۋىسى شىعادى. جەلكەدەن قىسقان بəلەنىڭ جىبەرەتىن ءتۇرى جوق. ءبىر كەزدە ۇيدەن əيەلى شىعىپتى. قۇرداستارى دا جينالىپ قالعان. ءبəرى ءبۇرىسىپ وتىرعان قالەكەڭە قاراپ تىرق، تىرق كۇلەدى. بىردەڭەنىڭ بولعانىن سەزگەن "قيسىق" شال اقىرىن جەلكە تۇسىن سىيپاپ كورمەي مە! سويتسە، ۇزىن بۇتاقتىڭ ايىر اشاسىنا جەلكەسى قىسىلىپ قالعان ەكەن! اربا قاتتى قوزعالعاندا بۇرە تۇسكەن دە سول بۇتاق!
...قالەكەڭ سول وقيعادان كەيىن قيسىق سويلەگەنىن قويىپ كەتىپتى دەسەدى. اۋزىنان ء"پىسسىمىللاسى" تۇسپەيتىن بولعان.
P. S. جəي، وسىنداعى ءبىر "قيسىقتىڭ" جازباسىنان كەيىن ەسىمە ءتۇسىپ كەتكەنى.
ارمان سقابىلۇلى
Facebook-تەگى جازباسىنان
