كەشەدەن بەرى جۇرتتىڭ اۋزىندا جۇرگەن بايان ماقساتقىزى (بۇرىن ەسەنتاەۆا ەدى) ەلباسى نۇكتەسىن قويعان 26-باپقا قاتىستى پىكىر ايتىپتى. 

"قوعامنىڭ نەگىزگى زاڭىمىز - كونستيتۋتسياعا قاتىستى وزگەرىستەردى تالقىلاپ جاتقانى ەشكىمگە دە قۇپيا ەمەس. مەنى نۇر وتان پارتياسىنىڭ مۇشەسى رەتىندە جانە ەلىمىزدىڭ ازاماتى رەتىندە جەر ماسەلەسى ەرەكشە الاڭداتاتىن. مىنە، بۇگىن مەن جاڭالىقتاردان پرەزيدەنتتىڭ حالىقتى قولداعانىن عانا ەمەس، سونداي-اق، ونىڭ ءوزىنىڭ وكىلەتتىگىن قىسقارتۋعا دەيىن بارعانىن وقىپ، قۋانىپ قالدىم. مەملەكەت باسشىسى 35 وكىلەتتىگىن ۇكىمەتتەگىلەر مەن پارلامەنتكە بەرىپ وتىر. ەندى ءبىزدىڭ مينيسترلەر مەن دەپۋتاتتارىمىزدىڭ راسىندا دا قانداي ءرول اتقاراتىنىن بىلەتىن بولامىز! بارەكەلدى، نۇرسۇلتان ءابىشۇلى!", - دەپ جازدى بايان ەسەنتاەۆا Instagram جەلىسىندەگى پاراقشاسىندا. "تengrinews.kz" سايتى حابارلادى. 

بايان حانىم ەسترادا "جۇلدىزدارىنىڭ"  ىشىندە ساياسات جايلى، ونىڭ ىشىندە قوعامدىق ساياسات تۋراسىندا وي ايتقان العاشقى ادام ەمەس. وسىعان دەيىن جەر ماسەلەسى ورشىگەن تۇستا، ەسترادانىڭ ءبىرسىپىرا ونەرپازدارى ميتينگكە شىعىپ، ءوز قارسىلىقتارىن بىلدىرگەن ەدى. 

بايان حانىمنىڭ جازباسىن 1 ساعاتتىڭ ىشىندە 19 مىڭ ادام وقىپتى. وزگە الەۋمەتتىك جەلىلەردە بايان ماقساتقىزى ساياساتقا ارالاسۋى مۇمكىن دەگەن گۋ-گۋ اڭگىمە ءورىپ ءجۇر. الداعى ۋاقىتتا ءبىز پروديۋسەر حانىمنىڭ وزىنەن بۇنى سۇراپ بىلەمىز. 

ازىرگە ايتارىمىز، بۇل تاجىربيەدە بار پروتسەسس. رەسەي دۋماسىنىڭ تەڭ جارتىسى جۇلدىزدارداردان قۇرالسا، ەلىمىزدەگى باس پارتيانىڭ قۇرامى دا جۇلدزدارعا كەندە ەمەس. سوندىقتان الدا-جالدا وسىنداي اڭگىمە شىعىپ جاتسا، وعان تاڭ قالماڭىز.

نۇرزات توعجان

Abai.kz