پولشاداعى قازاقستان ەلشىسى قىزمەتىنەن كەتتى
مەملەكەت باسشىسى نۇرسۇلتان نازارباەۆتىڭ جارلىعىمەن التاي ابيبۋللاەۆ قازاقستاننىڭ پولشاداعى ەلشىسى قىزمەتىنەن بوساتىلدى.
«مەملەكەت باسشىسىنىڭ وكىمىمەن ابيبۋللاەۆ التاي يبراگيمۇلى قازاقستان رەسپۋبليكاسىنىڭ پولشاداعى توتەنشە جانە وكىلەتتى ەلشىسى قىزمەتىنەن بوساتىلدى»، – دەلىنگەن رەسمي دەرەك كوزىندە.
التاي ابيبۋللاەۆ قازاقستاننىڭ پولشاداعى ەلشىسى بولىپ 2016 جىلدىڭ 11 مامىرىندا تاعايىندالعان ەدى.
بۇعان دەيىن حابارلانعانداي، استانادا مەملەكەتتىك حاتشى گۇلشارا ابدىقالىقوۆانىڭ توراعالىعىمەن وتكەن قازاقستان رەسپۋبليكاسىنىڭ پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيا وتىرىسىندا قازاقستان رەسپۋبليكاسىنىڭ پولشاداعى توتەنشە جانە وكىلەتتى ەلشىسى ا.ابيبۋللاەۆتى مەملەكەتتىك قىزمەت تۋرالى زاڭنامانى بۇزعانى ءۇشىن تارتىپتىك جاۋاپكەرشىلىككە تارتۋ تۋرالى ماسەلە قارالعان بولاتىن.
اباي اقپارات
