الاكول كولىنىڭ ماڭىندا ورنالاسقان كوپتەگەن دەمالىس بازالارىنا  جاڭا ماۋسىمدا كەلۋشىلەردى قابىلداۋعا تىيىم سالىندى.

مۇنداي شەشىمدى شىعىس قازاقستان وبلىسىنىڭ اكىمى دانيال احمەتوۆ مالىمدەدى.

 حابارلاماعا سايكەس، 147 تۋريستىك نىساننىڭ 139-ى سانيتارلىق نورماعا سايكەس كەلۋ ونىندەگى تەكسەرۋدەن وتە الماعان. ولاردىڭ اۋماعىندا قاۋىپسىزدىك تالاپتارى بۇزىلعان جانە قاجەتتى ينفراقۇرىلىم جوق.

ءوڭىر باسشىسى الاكول جاعالاۋىندا قۇرىلىس جۇرگىزۋگە جاڭا جەر تەلىمدەرىن بەرۋگە تىيىم سالاتىن قاۋلى شىعاردى.

"تولىق الەۋمەتتىك جاۋاپسىزدىق، بارلىعى ءوز قالتالارىن تولتىرۋ ءۇشىن جۇمىس ىستەگەن. ەشكىم كورىكتەندىرۋ كەرەكتىگى تۋرالى، مەيرامحانالاردىڭ سانيتارلىق تالاپتارعا سايكەس بولۋ كەرەكتىگىن ويلاماعان. جاقسى، بۇل وتكەن جىلدىڭ تاريحى. بۇل جىلى بارلىق جۇمىستار ىستەلمەيىنشە، ەشكىم المايدى. بارلىعى توقتاتىلدى. رەتكە كەلتىرۋگە ءتيىس نارسەنىڭ ءبارىن ورىنداڭىزدار، سوسىن كورەمىز", — دەپ ءمالىم ەتى دانيال احمەتوۆ.

اعىمداعى جىلى اكىمدىك كاسىپكەرلەرگە قولداۋ كورسەتۋ ءۇشىن 550 ميلليون تەڭگە ءبولدى. اقشا جالپى پايدالانۋعا ارنالعان جاعالاۋداعى اۋماقتى كورىكتەندىرۋگە جانە جولعا جۇمسالادى.

نۇرسۇلۋ نايمانوۆا

Abai.kz