قازاقستان رەسپۋبليكاسى ۇكىمەتىنىڭ 2017 جىلعى №78 قاۋلىسىمەن تسوي الەكسەي ۆلاديميروۆيچ قر دەنساۋلىق ساقتاۋ ۆيتسە-ءمينيسترى بولىپ تاعايىندالدى، دەپ حابارلادى بۇگىن مينيسترلىكتىڭ ءباسپاسوز قىزمەتى.

تسوي الەكسەي  1996-1997 جىلدارى SELS college London (ۇلىبريتانيا) وقۋ ورنىندا وقىپ، 2001 جىلى وڭتۇستىك قازاقستان مەملەكەتتىك مەديتسينالىق اكادەمياسىن، 2007 جىلى - «دانەكەر» حالىقارالىق قۇقىق جانە حالىقارالىق بيزنەس ينستيتۋتىن، 2015 جىلى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن ءتامامدادى.

2002-2004 جىلدارى رەسپۋبليكالىق كلينيكالىق اۋرۋحانانىڭ، استانا قالاسى ۇلتتىق عىلىمي مەديتسينالىق ورتالىعىنىڭ (ۇعمو) ەندوسكوپيست-دارىگەرى قىزمەتىن اتقاردى.

2004-2007 جىلدارى ۇعمو اعا عىلىمي قىزمەتكەرى، ەندوسكوپيست-دارىگەرى، دوكتورانتى بولدى. 2007-2008 جىلدارى استانا قالاسىنداعى قر پرەزيدەنتىنىڭ ءىس باسقارماسىنىڭ مەديتسينالىق ورتالىعى زاماناۋي تەحنولوگيالاردى ەنگىزۋ ورتالىعىنىڭ ديرەكتورى قىزمەتىن اتقارىپ، 2008-2010 جىلدارى اتالعان ورتالىقتىڭ ديرەكتورى بولدى.

2010-2011 جىلدار ارالىعىندا استانا قالاسىنداعى قر پرەزيدەنتىنىڭ ءىس باسقارماسىنىڭ مەديتسينالىق ورتالىعى باسشىسى قىزمەتىن اتقاردى.

2011 جىلى استانا قالاسى №1 قالالىق اۋرۋحاناسىنىڭ باس دارىگەرى قىزمەتىنە تاعايىندالدى. الەكسەي تسوي اتالعان قىزمەتتى 2014 جىلعا دەيىن اتقاردى. قر دەنساۋلىق ساقتاۋ ۆيتسە-ءمينيسترى قىزمەتىنە دەيىن ول قر دەنساۋلىق ساقتاۋ ۆيتسە-ءمينيسترى قىزمەتىن اتقاردى.

الەكسەي تسوي مەديتسينا عىلىمدارىنىڭ كانديداتى، ىسكەرلىك اكىمشىلىك دوكتورى.

اباي اقپارات