باق رەسەي پرەزيدەنتى ۆلاديمير ءپۋتيننىڭ 199 ملرد دوللارى، 58 ۇشاعى مەن تىكۇشاعى بارىن جارىسا جازۋدا.

جاقىندا ساراپشىلار ۆلاديمير ءپۋتيننىڭ مۇلكىن ەسەپتەپ، ونىڭ 199 ملرد دوللار قاراجاتپەن الەمدەگى ەڭ باي ادام اتانا الاتىندىعىن العا تارتقان. پرەزيدەنت اتىنداعى چەرنومور سارايى مەن سۋپەرياحتانىڭ ءوزى £ 800 ملن تۇرادى. ال رومان ابراموۆيچ سىيلاعان ياحتانىڭ قۇنى £ 28 ملن-عا بارادى.

وسىلايشا Microsoft نەگىزىن قالاعان بيلل گەيتستەن ءۇش ەسە باي بولۋى مۇمكىن رەسەي پرەزيدەنتى رەسەيلىك قوردىڭ مەنەدجەرى بيلل براۋدەردىڭ CNN ارناسىنا بەرگەن سۇحباتىنا سايكەس، 2015 جىلى $ 200 ملرد بايلىققا يە بولعان.

“ول رەسەي بيلىگىندەگى 14 جىل ىشىندە مەكتەپكە، كوشەلەر مەن ەمحانالار قۇرىلىسىنا كەتۋى ءتيىس قاراجاتتى شۆەيتساريالىق بانكتەگى ءوز شوتىنا اۋدارىپ وتىردى”، – دەپ سەندىردى بيلل.

ءپۋتيننىڭ ساياسي قارسىلاسى تاراتقان مالىمەتتەرگە سايكەس، ءپۋتيننىڭ 58 ۇشاقتان بولەك $ 500 000 تۇراتىن ساعات كوللەكتسياسى مەن 20 سارايى بار.

الايدا پۋتين تەك پرەزيدەنتتىك جالاقىدان تۇسكەن تابىسى مەن ەكى پاتەرى بارىن العا تارتىپ، بۇل اقپاراتتاردى جوققا شىعارۋدا.

اباي اقپارات