"اق جول" پارتياسى كونستيتۋتسيالىق رەفورماعا بايلانىستى ءوز ۇسىنىستارىن جولدادى، - دەپ حابارلايدى اباي-اقپارات "اق جول" قدپ ءباسپاسوز قىزمەتىنە سىلتەمە جاساپ.

"اق جول" پارتياسى كونستيتۋتسيالىق رەفورماعا بايلانىستى ءوز ۇسىنىستارىن پرەزيدەنت اكىمشىلىگى جانىنداعى كوميسسياعا جولدادى. 

ۇسىنىلعان تۇزەتۋلەر پارتيا پرەزيديۋمى مۇشەلەرىنىڭ، ونىڭ پارلامەنتتىك فراكتسياسى مەن وبلىستىق فيليالدارى وتىرىسىنىڭ بارىسىندا تالقىلاندى.  

پارتيا توراعاسى ازات پەرۋاشەۆ جوبانى تانىستىرا وتىرىپ، مەملەكەت باسشىسىنىڭ كونستيتۋتسيانى جەتىلدىرۋ مەن بيلىك تارماقتارى اراسىندا وكىلەتتىكتى قايتا ءبولۋ بويىنشا باستاماسىن دەموكراتيالىق پارتيانىڭ قولدايتىندىعىن اتاپ ءوتتى. بۇل باستاۋ مەملەكەتتىك ورگانداردىڭ قوعام الدىنداعى اشىقتىعى مەن ەسەپ بەرۋشىلىگىنە قاتىستى ساياسي جۇيەنىڭ ارى قارايعى جاڭعىرتىلۋىن بىلدىرەدى.

وسىعان بايلانىستى، «اق جول» قدپ ەلباسىنىڭ جوبانى بۇكىلحالىقتىق تالقىلاۋ ءۇشىن ۇسىنعان ۋاقىتىن پايدالانا وتىرىپ، ايماقتار مەن ورتالىق ورگاندارداعى پارتيا اكتيۆتەرىمەن كەزدەسۋىندە ءوزىنىڭ باستامالار پاكەتىن جاساپ شىعاردى.  

قىزۋ پىكىرتالاس ناتيجەسىندە ەكى داۋلى ۇستانىم قابىلدانبادى جانە ءبىر قوسىمشا ەنگىزىلدى. كونستيتۋتسياعا وزگەرىستەر ەنگىزۋ بويىنشا كوميسسيا تالقىلاۋىنا جىبەرىلەتىن  قورىتىندى پاكەتتە «اق جول» پارتياسىنىڭ 18 ناقتى ۇسىنىسى بەرىلىپ وتىر.

سولاردىڭ كەيبىرى:

● مەملەكەتتىك ءتىلدىڭ مارتەبەسىن انىقتايتىن كونستيتۋتسيانىڭ 7-بابىنا «اق جول» پارتياسى «اركىم مەملەكەتتىك تىلدىك ساياساتتى، قازاقستان حالقىنىڭ سالت-داستۇرلەرى مەن ادەپ-عۇرىپتارىن قۇرمەتتەۋگە  مىندەتتى» دەگەن تارماعىن ەنگىزۋدى ۇسىنادى.  

● اقپارات ەركىندىگىنە كەپىلدىك بەرەتىن 20-باپتىڭ ەكىنشى تارماقشاسىنا پارتيانىڭ وك حاتشىسى ارمان سقابىلۇلى «بۇقارالىق اقپارات قۇرالدارىنىڭ جانە جۋرناليستەردىڭ قىزمەتى زاڭمەن قورعالادى» سوزدەرىن ەنگىزۋدى ۇسىندى.

● قوعامدا تەرەڭ تالقىعا تۇسكەن 26-باپتا ينۆەستيتسيا پايداسىنا وزگەرىستەر ەنگىزۋدى قولداي وتىرىپ، الايدا پرەزيدەنتتىڭ جەر تۋرالى كودەكسىنە زاڭنامالىق وزگەرىستەردى ەنگىزۋگە موراتوري جاريالانعانىنا بايلانىستى 3-ءشى تارماقشاسىنا كەلەسىنى ەنگىزۋ ۇسىنىلىپ وتىر: «وسى باپ جەر قاتىناستارىنا قاتىستى قولدانىلمايدى. جەرگە قاتىستى جەكە مەنشىك ماسەلەلەرى قازاقستان رەسپۋبليكاسى كونستيتۋتسياسىنىڭ 6-بابى 3-تارماقشاسىمەن رەتتەلەدى».

● سونداي-اق، ازات پەرۋاشەۆ 33 باپتى (ازاماتتاردىڭ مەملەكەتتىك قىزمەتكە قول جەتىمدىلىگىنە قاتىستى) 1-2 تارماقشاسىمەن تولىقتىرۋدى ۇسىندى: «سىبايلاس جەمقورلىق – مەملەكەتتىككە تونەتىن قاۋىپ. اركىم بارلىق زاڭ جۇزىندە رۇقسات ەتىلگەن تاسىلمەن سىبايلاس جەمقورلىققا قارسى ارەكەت ەتۋگە مىندەتتى».

● 44 باپتىڭ 3 تارماقشاسىنا (پرەزيدەنت وكىلەتتىگى) مەملەكەت باسشىسىنىڭ وسى جىلدىڭ 25 قاڭتارىندا جاساعان بيلىك تارماقتارى اراسىندا وكىلەتتىكتى قايتا ءبولۋ تۋرالى جولداۋىندا: «پارلامەنتتىك سايلاۋدا جەڭىسكە جەتكەن پارتيا ۇكىمەتتىڭ قالىپتاسۋىندا شەشۋشى تۇردە اسەر ەتەدى» دەلىنگەندىكتەن، «اق جول» پارتياسى پرەزيدەنت ءماجىلىستىڭ تالقىلاۋىنا رەسپۋبليكانىڭ پرەمەر-مينيسترىنە «پارلامەنتتىك سايلاۋدا جەڭىسكە جەتكەن پارتيانىڭ ۇسىنىسى بويىنشا» كانديداتۋراسىن ەنگىزەدى دەلىنگەن نورمانى ۇسىندى.  

● وسى باپتاعى، سونداي-اق 65-باپتىڭ 2-تارماقشاسىندا پرەمەر-مينيستر پارلامەنت ماجىلىسىمەن كونسۋلتاتسيالاردان سوڭ ۇكىمەتتىڭ قۇرىلىمى مەن قۇرامىنا وزگەرىستەر ەنگىزۋگە قاتىستى «كونسۋلتاتسيالار» ءسوزىن «كەلىسىم» سوزىمەن الماستىرىپ جانە ءماجىلىس پەن «ساياسي پارتيالار فراكتسياسىمەن» دەگەن تولىقتىرۋلار ۇسىنىلدى. 

● سونىمەن قاتار، 45-باپتىڭ 2-تارماقشاسى (پرەزيدەنتتىڭ زاڭدىق كۇشكە يە جارلىقتارىن شىعارۋ قۇقىعى تۋرالى) الىپ تاستاۋ ۇسىنىلىپ، ونىڭ ورنىنا شوب تەكسەرىسىنە كەيبىر موراتوريلاردى ەسكەرە وتىرىپ، كونستيتۋتسياعا كەلەسى نورمانى ەنگىزۋدى ۇسىندى: «مەملەكەتتىڭ ۇلتتىق مۇددەسىنە، ەكونوميكاسىنا نەمەسە قوعامىنا قاۋىپ تونگەن جاعدايدا، رەسپۋبليكا پرەزيدەنتى موراتوري ەنگىزەدى جانە مۇنداي قاۋىپ توندىرەتىن زاڭداردىڭ نەمەسە زاڭنامالىق نورمالاردىڭ قودانىسىن توقتاتادى. موراتوري رەسمي جاريالانعان ساتتەن باستاپ كۇشىنە ەنەدى جانە ءبىر اي مەرزىم ىشىندە پارلامەنتتىڭ  ماقۇلدانۋىنا جىبەرىلەدى».

● 57-باپتىڭ 1-تارماقشاسى مەن 67-باپتا وتاندىق دەموكراتتار جاڭادان تاعايىندالعان ۇكىمەتكە «تاعايىندالعاننان كەيىن ءبىر اي ارالىعىندا پارلامەنت ماجىلىسىنە رەسپۋبليكانىڭ ورتاشا مەرزىمدى كەزەڭگە ارنالعان الەۋمەتتىك – ەكونوميكالىق دامۋى جونىندەگى باعدارلامانى ۇسىنۋ» مىندەتىن جۇكتەپ وتىر.

● 57-باپتىڭ 5-تارماقشاسىنا (پارلامەنت وكىلەتتىگى) ءماجىلىستىڭ پارلامەنتتىك تەرگەۋدى تاعايىنداۋ جانە وتكىزۋ قۇقىعىن قوسۋ ۇسىنىلىپ وتىر; 

● پارلامەنتتىڭ جۇمىس ورگاندارىن رەتتەيتىن 60-باپتى «اقجولدىقتار» ساياسي پارتيالاردىڭ پارلامەنتتىك فراكتسيالارىنىڭ تەڭ قۇقىقتىعى جانە ولاردىڭ مارتەبەسى مەن وكىلەتتىگىنىڭ زاڭمەن رەتتەلۋىن ۇيعاراتىن تارماقشالارمەن تولىقتىرۋ قاجەت دەپ سانايدى.

● الما نۇرعوجاەۆانىڭ باستاماسىمەن («اق جول» پارتياسىنىڭ الماتى فيليالى) 86-باپتىڭ 2-تارماقشاسىنا ءبىر مانداتتى وكرۋگتەر مەن پارتيالىق تىزىمدەردى قوسا العاندا ارالاس جۇيە بويىنشا وبلىس ءماسليحاتىنىڭ, رەسپۋبليكالىق ماڭىزى بار قالالار مەن استانانىڭ دەپۋتاتتارىن سايلاۋ ۇسىنىلىپ وتىر.  

● مەملەكەتتىك قۇرىلىستىڭ نەگىزدەرىن بەكىتەتىن 91-باپتى, ازات پەرۋاشەۆ كەلەسى تارماقشامەن تولىقتىرۋ قاجەت دەپ سانايدى: «تاۋەلسىزدىكتەن، رەسپۋبليكانىڭ بىرتۇتاستىعىنان نەمەسە اۋماقتىق تۇتاستىعىنان باس تارتۋعا جاريا تۇردە شاقىرۋ زاڭمەن قۋدالانادى».  

"اق جول" پارتياسى

Abai.kz