تاشكەنتتەگى قازاقستاندىق ديپلوماتيالىق قىزمەتتىڭ حابارلاۋىنشا، ساپار بارىسىندا ستراتەگيالىق ارىپتەستىك ماسەلەلەرى تالقىلانادى.

"وتكەن جىلدىڭ اياعى مەن 2017 جىلدىڭ باسىندا ەكى جاقتى قارىم-قاتىناس بەلسەندى دامي باستادى. سوعان بايلانىستى، شەشىلۋى ءتيىس كوپتەگەن سۇراقتار تۋىندادى. وسى ورايدا، ەكى مەملەكەت باسشىسىنىڭ كەزدەسۋى وتە وزەكتى بولىپ وتىر" ، – دەدى وزبەكستانداعى قازاقستان ەلشىلىگىندەگى دەرەككوز.

بۇعان قوسا جاقىن ۋاقىتتا تاعى بىرقاتار ەكى جاقتى كەزدەسۋلەر مەن ساپارلار جوسپارلانعان. اتاپ ايتقاندا، قورعانىس جانە اسكەري-تەحنيكالىق ارىپتەستىك جونىندەگى جاڭا مينيسترلىك وكىلدەرىنەن تۇراتىن قازاقستاندىق دەلەگاتسيا وزبەكستانعا ساپارلاپ بارادى. ۇلتتىق تەمىر جول وپەراتورلارى دەلەگاتسيالارى دا كەزدەسەدى.

ەلشىلىك مالىمەتى بويىنشا، بيىل ەكى ەل اراسىندا رەسمي ساپارلار كوپ بولادى.

بۇعان دەيىن حابارلانعانداي، شاۆكات ميرزياەۆتىڭ وزبەكستان پرەزيدەنتى رەتىندەگى العاشقى ساپارى رەسەيگە جاسالادى. وزبەكستان مەملەكەت باسشىسىنىڭ رەسەيگە ساپارىنا دايىندىق باستالىپ كەتتى.

اباي-اقپارات