تەرروريزمگە قاتىسى بار دەگەن كۇدىكپەن 15 ادام ۇستالدى
قازاقستاننىڭ ۇلتتىق قاۋىپسىزدىك كوميتەتى مەن پوليتسياسى 13-24 قاڭتار ارالىعىندا الماتى قالاسى جانە الماتى وبلىسىنىڭ اۋداندارىندا بىرنەشە ارنايى وپەراتسيا وتكىزىپ، سولاردىڭ ناتيجەسىندە 15 كۇدىكتىنى ۇستادى، دەپ حابارلادى جەرگىلىكتى باق.
"تەرروريزمدى ناسيحاتتاۋ، تەرروريستىك ارەكەتكە دايىندالۋ، ءدىني الاۋىزدىق تۋعىزۋ جانە زاڭسىز قارۋ ساقتاۋ قىلمىستارىنا قاتىسى بار دەگەن كۇدىكپەن بارلىعى 15 ادام ۇستالدى. كۇدىكتىلەردىڭ تۇرعىلىقتى مەكەن-جايلارىن ءتىنتۋ بارىسىندا 5 گراناتا، حالىقارالىق تەرروريستىك ۇيىمداردىڭ بەلگىلەرى، ءدىني ادەبيەت پەن ەلەكتروندىق ماتەريالدار تاركىلەندى", - دەلىنگەن ارنايى قىزمەت تاراتقان رەسمي اقپاراتتا.
ارنايى وپەراتسياعا قاتىستى باسقا دا مالىمەتتەر، ۇستالعان كۇدىكتىلەردىڭ ەسىمدەرى جاريالانبادى.
اباي-اقپارات
