ماتەريالدا رەسەيدىڭ بىشكەكتەگى ەلشىسى اندرەي كرۋتكونىڭ سوزدەرى بەرىلگەن. ول ۋكراينالىق ارىپتەسىن ديپلوماتيالىق ەتيكانى بۇزدى دەپ ايىپتاعان. بۇعان قوسا رەسەيلىك ديپلومات ۋكراينانىڭ شىعىسىنداعى اۆدەەۆكاداعى جاعدايدىڭ شيەلەنىسۋى تۋرالى ايتا كەلىپ، ۋكراينالىق بيلىكتى ارانداتۋشىلىق ارەكەتكە باردى دەپ سىناعان.

"اۆدەەۆكاداعى جاعدايعا كەلەر بولساق، تاعى ءبىر ارانداتۋشىلىقتىڭ كۋاسى بولدىق. ۇرىنىڭ ءبىرىنشى بولىپ ايقايلاتىنى تۋرالى ماقالدى ەسكە تۇسىرەدى", - دەپ مالىمدەگەن كرۋتكو.

ۋكراينا ەلشىسى بۇعان كوپ كۇتتىرمەي جاۋاپ بەردى. نيكولاي دوروشەنكو رەسەي وكىلىن ۋكراينانىڭ ىشكى ىسىنە ارالاسۋعا بولمايتىنىن ەسكەرتىپ، ءوزى حالىقارالىق حاتتاما اياسىندا جۇمىس جاسايتىندىعىن ايتقان.

وسىلايشا ۋكراينانىڭ شىعىسىنداعى جاعدايعا قاتىستى پىكىرتالاس بىشكەكتەگى ەكى ەلشىنىڭ باسپاسوزدەگى جانجالىنا ۇلاستى.