ديماش قۇدايبەرگەن قىتايدا ءوتىپ جاتقان «I am a singer» بايقاۋىنىڭ ءتورتىنشى كەزەڭىندە ءۇشىنشى ورىن يەلەندى، دەپ حابارلايدى "كازاقپارات" حاا-نىڭ قىتايداعى ءتىلشىسى.

ء«بىرىنشى ورىندى «سياو تسزينتەن شيتسزى» («Lion») توبى، ەكىنشى ورىندى - لين يليان، ءۇشىنشى - ديماش قۇدايبەرگەنوۆ.  «سينحۋا» اگەنتتىگى ديماش قۇدايبەرگەن اتالمىش بايقاۋدىڭ 4-كەزەڭىندە قىتاي تىلىندەگى ءاندى اكتسەنتسىز ايتىپ بەرگەنىن حابارلاعان بولاتىن. سونداي-اق ديماش ەۋروپالىق ۇلگىدەگى پيدجاك پەن جىبەك مويىنوراعىشىندا تارتىمدى كورىنگەنى جازىلعان ەدى. ونىڭ سىمباتىن قارا ءتۇستى باس كيىمى ەسەلەي تۇسكەندەي.

«I am a singer» بايقاۋىنىڭ ءتورتىنشى كەزەڭى 2 اقپان كۇنى جازىلعان ەدى. ول تەلەارنالاردان 11 اقپان كۇنى استانا ۋاقىتىمەن ساعات 20:30-دا كورسەتىلەدى. ديماشتىڭ بۇل كەزەڭ ءۇشىن تاڭداعان «كۇزگى مۇڭ» ءانىن 2013 جىلى «I am a singer» بايقاۋىندا قىتايلىق ءانشى شا باوليان ورىنداعان بولاتىن. كەشە قازاقستاندىق جاس تالانت يەسىنىڭ اناسى سۆەتلانا ايتباەۆا ونىڭ اتالمىش بايقاۋ بارىسىندا قازاق تىلىندە دە ءان ايتاتىنىن جەتكىزدى.

ەستەرىڭىزگە سالا كەتەيىك، قازاق ەلىنىڭ جاس دارىنى ديماش قۇدايبەرگەن قىتايدا ءوتىپ جاتقان «I am singer» بايقاۋىنا قاتىسىپ، العاشقى ەكى اينالىمدا-اق قىتايلىقتاردىڭ جۇرەگىن جاۋلاپ الدى.الايدا، بۇل تانىمالدىلىق بايقاۋ اياقتالماي جاتىپ ۇلكەن داۋ تۋدىرىپ ۇلگەردى. العاشقىدا قازاقستاندىق بەلسەندىلەر ديماشتىڭ قىتايداعى جەڭىسىنە كۇدىكپەن قاراپ، ساياسي استار ىزدەۋمەن بولدى. ديماشتىڭ جەڭىسىنەن استار ىزدەگەندەرگە اكەسى جاۋاپ بەردى. كەيىن، ەكىنشى اينالىمدا ۆيتاستىڭ «وپەرا №2» ءانىن ورىنداعانى ءۇشىن قىتاي جەرىندە رەسەيلىك ءارتىستىڭ مۇددەسىن قورعايتىن كومپانيا ديماشتىڭ ۇستىنەن شاعىم ءتۇسىردى. اۆتورلىق قۇقىق بويىنشا قازاقستاندىق ساراپشى جاس ءانشىنى داۋدان اراشالاپ الماق بولىپ ەدى، ۆيتاستىڭ پروديۋسەرى قازاق دارىنىن «ەكىنشى سۇرىپتى فەيك، ارزانقول پيراتتىق ءونىم» دەپ ءتىل تيگىزدى.

نۇرسۇلۋ نايمانوۆا

Abai.kz