بۇگىن بالالار ۇيىنە بىرەۋلەر نان، سۋسىن، ءتاتتى-ءتابىز اكەلدى. بارىنەن دە نان كوپ. ارينە بۇل- قۋانىش. ەگەر ءسىز بالالار ۇيىنە قايىرىمدىلىق جاساعىڭىز كەلسە مىنانى ايتايىن. 

بۇرىندارى دا ايتىپ ەدىم. كوپتەگەن ادامدار بالالار ءۇيىن تاماعى جوق، اش ورتا رەتىندە ەلەستەتەدى. سول سەبەپتى كوبىنەسە تاماقتار اكەلەدى. جوق، بالالار ءۇيى كادىمگى مەملەكەتتىك مەكەمە. كيىم-كەشەك، ازىق-تۇلىككە بولىنەتىن قاراجات جەتكىلىكتى ءارى ساپالى ازىق-تۇلىكپەن قامتاماسىز ەتىلگەن. سوندىقتان بالالار ۇيىنە كيىم-كەشەك، ازىق-تۇلىك اكەلۋدىڭ قاجەتى جوق. اكەلسەڭىز ولار جوق بولىپ كەتۋى ابدەن مۇمكىن. مەرەكە كەزدەرىندە مۇنداي دۇنيەلەر ءتىپتى كوبەيەدى. ال ونىڭ ءبارى ۇستاعاننىڭ قولىندا، تىستەگەننىڭ اۋزىندا كەتەدى. ساۋاپ- تاماق بەرۋمەن، كيىندىرۋمەن شەكتەلمەيدى.

بالالار ۇيىنە قايىرىمدىلىق جاساعىڭىز كەلسە تەك ولاردى قۋانتىڭىز. مۇمكىندىك بولسا كينوتەاترعا اپارىپ مۋلتفيلم كورسەتىڭىز، بولماسا مەيرامحاناعا اپارىپ تاماقتاندىرىڭىز دا سوندا بيلەتىڭىز نەمەسە ويىناتاتىن ارنايى جەرلەرگە اپارىپ ويناتىڭىز. ارينە بۇل بۇل كوپشىلىكپەن بىرىگىپ جاسالاتىن ءىس. ءتىپتى بولماسا كەلىپ كونتسەرتتىك ءىس-شارا ۇيىمداستىرىپ بەرىڭىزدەر. جاقسى كوڭىل-كۇي سىيلاۋ ولارعا ۇلكەن قۋانىش. باسقا ولارعا كوپ ەشتەڭە قاجەت ەمەس. ايتپەسە ولاردىڭ ىشكەنى الدىندا، ىشپەگەنى ارتىندا. ءبىز ءوزى كۇنامىزعا قارايمىزبا ايتەۋ ساۋاپتى بالالار ۇيىنەن عانا العىمىز كەلەدى دە تۇراتىنداي. مىناۋ قوعامدا قانشاما تۇرمىسى تومەن وتباسى بار. ولار كوڭىل-كۇي قۋانىشقا كەندە ەمەس، كەرىسىنشە ماتەريالدىق تۇرعىدا جەتىسپەيدى. جاڭاعى نان، ءتاتتى-ءتابىز ازىق-تۇلىكتى وسىنداي وتباسىلارعا بەرسەڭىزدەر قۋانىش پەن شىن ىقىلاستى الا الاسىز. 

ءبىر ورتا قۋانىش پەن كوڭىل كۇيدى قالايدى، ءبىر ورتا شىن كومەكتى قالايدى. سونى اجىراتا بىلەيىكشى...

نۇربول حاناعات

Facebook-تەگى پاراقشاسىنان