بەيسەنبى, 3 ءساۋىر 2025
دەپ جاتىر 3757 0 پىكىر 3 اقپان, 2017 ساعات 15:00

الماتىداعى پاتەرلەر قاي ۋاقىتتا تونالادى؟

سوڭعى ۋاقىتتا الماتى وبلىسىندا پاتەردى توناۋ قىلمىسى جيىلەنە باستاعان. مۇنداي كەلەڭسىز جاعدايلار نەگىزىنەن الماتىعا ىرگەلەس ورنالاسقان اۋدانداردا دا كوپ كەزدەسەدى. جىل باسىنان بەرى ءتارتىپ ساقشىلارى ۇرىلاردى ۇستاۋعا مىقتاپ كىرىسكەن سىڭايلى. ماسەلەن، جامبىل اۋدانىندا وتكەن شۇعىل-پروفيلاكتيكالىق شارا بارىسىندا اپتا ىشىندە قاراقشىلىقپەن اينالىسقان 9 قىلمىستىق توپ انىقتالدى. تەك ۇزىناعاشتا عانا ەمەس، كورشىلەس اۋىل تۇرعىندارىن دا زار قاقساتقان اككى ۇرىلار كوپ ۇزاماي قولعا ءتۇستى. اۋداندىق ىشكى ىستەر ءبولىمىنىڭ شۇعىل-ىزدەستىرۋ شاراسىنىڭ ناتيجەسىندە قىلمىستىق توپ انىقتالىپ، بارلىق مۇشەسى ۇستالدى. 

 
ۇستالعاندار ەندى قر قىلمىستىق كودەكسىنىڭ 188-بابىنىڭ 3-تارماعى بويىنشا زاڭ الدىندا جاۋاپ بەرەدى. ۇيىمداسىپ قىلمىس جاساعاندارى ءۇشىن 10 جىلعا دەيىن باس بوستاندىقتارىنان ايىرىلۋى مۇمكىن.  «پاتەر توناۋشىلار نەگىزىنەن وزدەرىنىڭ اككى ارەكەتتەرىن ىسكە اسىرۋعا تۇندە شىعادى»، - دەيدى ءتارتىپ ساقشىلارى. جالپى، وتكەن جىلى الماتى وبلىسىندا بوتەننىڭ مۇلكىن توناۋ وقيعالارى بويىنشا 5 مىڭعا جۋىق دەرەك تىركەلگەن. ولاردى اشۋ دەڭگەيى 50%-دى قۇراپ، 427 ادام قاماۋعا الىنعان. جابىرلەنۋشىلەردىڭ ايتۋىنشا ۇرىلار باعالى زاتتار مەن اقشادان بولەك اسا قىمباتقا تۇسپەيتىن ۇساق تۇرمىستىق تەحنيكاعا دەيىن توناۋدا.

 

نۇرسۇلۋ نايمانوۆا

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 983
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3347
46 - ءسوز

بىزگە بەيمالىم باراق حان

جامبىل ارتىقباەۆ 2348