پروديۋسەر بايان ەسەنتاەۆا مەن كاسىپكەر تۇرسىنعالي الاكوزوۆ تويلارىن كوكتەمگە جوسپارلاپ وتىر. بۇل تۋرالى ولارTengrinews.kz سايتىنا بەرگەن بىرلەسكەن سۇحباتتارىندا ايتتى. 

ۇيلەنۋ تويىنا قاتىستى جۋرناليست سۇراعىنا تۇرسىنعالي الاكوزوۆ تۋعان-تۋىسقا ارنالعان شارانىڭ كوكتەمگە جوسپارلانىپ وتىرعاندىعى، مامىر ايىندا ۇيىمداستىرىلۋى مۇمكىن ەكەنى تۋرالى ايتتى. سونىمەن قاتار ول بايانمەن تانىسقان كەزدە ءوزىنىڭ اجىراسپاعانىن، قازىر اجىراسۋ ۇستىنە ەكەنىن جەتكىزدى.

 "ەكىنشى وتباسىن قۇرعان ادامداردىڭ 99 پايىزى اجىراسپاي تۇرىپ تانىسادى ەكەن. ءبىز دە سولاردىڭ قاتارىنانبىز", - دەيدى ول. سۇحباتتا ەسەنتاەۆا مەن الاكوزوۆ 10 ماۋسىم كۇنگى وقيعا، ياعني باقىتبەك ەسەنتاەۆ پروديۋسەرگە قول جۇمساعان كەز تۋرالى دا ايتقان.

 "مەن باياندى ۇيىنە شىعارىپ سالايىن دەگەم. بىراق ول قارسى بولدى، سوندىقتان تاكسيگە وتىرعىزىپ جىبەردىم. وقيعا تاكسي جۇرگىزۋشىسىنىڭ كوزىنشە بولدى. ءبىرىنشى كەزەكتە سول ادام قۇقىققورعاۋ ورگاندارىنا حابارلاسۋى كەرەك ەدءى", - دەيدى الاكوزوۆ. بايان ەسەنتاەۆا بۇرىنعى جۇبايىنىڭ قىلىعىن جاقتاپ، "دۇرىس ىستەدى" دەيتىندەردىڭ قىلىعىنا الاڭدايتىندىعىن جەتكىزدى.

 "ياعني ەل ەرىنىڭ كوزىنە ءشوپ سالعان ايەلدى جازالاۋدى قولدايدى. ال، قانە، اجىراسقىسى كەلگەن، باسقا ادامدى ءسۇيىپ قالعان ايەلدىڭ ءبارىن جازالايىق. ءبارى بىردەي پىشاق الا جۇگىرسە...  قوعامنىڭ مۇنى دۇرىس سانايتىنىنان قورقامىن", - دەيدى پروديۋسەر. بايان ەسەنتاەۆا، سونداي-اق تەگىن الاكوزوۆا رەتىندە اۋىستىرۋدى ويلاپ جۇرگەنىن ايتادى.

 "ەءرى مەن ايەلى ءبىر بولۋى كەرەك. بالالى بولىپ جاتساق، اناسىنىڭ ەسەنتاەۆا، اكەسىنىڭ الاكوزوۆ بولعانىن قالامايمىن. تەگىمدى اۋىستىراتىن شىعارمىن", - دەيدى ول.

نۇرسۇلۋ نايمانوۆا

Abai.kz