الماتىدا ءوتىپ جاتقان 28-ءشى قىسقى ۋنيۆەرسيادا ويىندارىندا قازاقستان قۇراماسىنىڭ قورجىنىنا بەسىنشى التىن جۇلدە ءتۇستى.

بەسىنشى التىندى 79.94 ۇپايمەن فريستايلشى دميتري رەيحەرد الدى. ال، رەسەيلىك سەرگەي شيمبۋەۆ كۇمىس جۇلدەنى 79.11 ۇپايمەن ولجالادى. قولا جۇلدە تاعى ءبىر قازاقستاندىق پاۆەل كولماكوۆتىڭ ەنشىسىندە قالدى.

قازاقستاندىق يۋليا گالىشەۆا قازاقستان قۇراماسىنا فريستايلدان العاشقى التىن مەدالدى اكەلدى.

“موگۋل” جارىسىندا گالىشەۆا 73,80 ۇپايمەن جەڭىمپاز اتاندى. ەكىنشى ورىندى رەسەيلىك اناستاسيا پەرۆۋشينا 61,13 ۇپايمەن، ءۇشىنشى ورىندى اۆستريا سپورتشىسى كاتارينا رامزەر 52,05 ۇپايمەن يەلەندى.

بۇدان بۇرىن قازاقستان قۇراماسىنىڭ قورجىنى ءتورتىنشى التىنمەن بايىعان ەدى، بياتلونشى گالينا ۆيشنەۆسكايا 7,5 شاقىرىمدىق جارىستا توپ جارعان بولاتىن.

وسىعان دەيىن، ءۇشىنشى التىن جۇلدەنى بياتلونشى بۇرىمدىمىز گالينا ۆيشنەۆسكايا الىپ بەردى. ول 7,5 شاقىرىمعا سپرينت سايىسىندا سىنعا ءتۇسىپ، ۇزدىك شىقتى. بۇل قاشىقتىقتا وتانداسىمىز 21 مينۋت، 43,1 سەكۋند ۋاقىت كورسەتكىشىنە يە بولدى.

ەسكە سالا كەتەيىك، بۇل ۆيشنەۆسكايانىڭ ەكىنشى جۇلدەسى. بۇعان دەيىن سپورتشىمىز 15 شاقىرىمعا جەكەلەي سىنعا ءتۇسىپ، تەك الينا رايكوۆانى العا جىبەرىپ، كۇمىس جۇلدە العان ەدى.

بۇل قازاقستان قۇراماسى ءۇشىن ۋنيۆەرسيادا ويىندارىنداعى ءۇشىنشى التىن جۇلدەسى. وسىلايشا، ءبىزدىڭ قۇراما قازىرگى ۋاقىتتا كوماندالىق ەسەپتە قايتا ەكىنشى ورىنعا شىقتى. 

اباي-اقپارات