جولداۋدى ومىرشەڭ ەتۋ جونىندەگى قىسقاشا نۇسقاۋلىق

1. الدىمەن ەلباسى الدىڭعى جىلعى جولداۋىندا ايتىلعان جايتتاردىڭ قايسىسى ورىندالدى، قايسىسى ورىندالمادى - سونى انىقتاپ الۋى كەرەك. ول ءۇشىن ەلدەن تىكەلەي قاپارات الۋى ءتيىس. ايتپەسە، شەنەۋنىكتەر جوقتى بار ەتىپ كورسەتە بەرەدى.
2. كەلەسى جولداۋىنا نە ەنگىزىلۋى كەرەك ەكەنىن ءبىلۋ ءۇشىن جولداۋ الدىندا ەلدى ءبىر ارالاپ شىققانى ءجون. كوپ نارسەنى ءوز كوزىمەن كورە الار ەدى.

3. جولداۋ جازىلىپ جاتقان كەزدە ەلدەگى بارلىق پارتيالارمەن، سونىڭ ىشىندە، بالاما پىكىرى بار ازاماتتىق قوعام وكىلدەرىمەن كەزدەسسە، نۇر ۇستىنە نۇر بولار ەدى. بولاشاق جولداۋ باپتارى كەڭ تالقىلانسا، جۇرتشىلىقتىڭ ۇسىنىستارى جيناقتالسا، تەلەديداردا ارنايى حابارلار بولسا، ءتىپتى تاماشا بولار ەدى.

4. جولداۋ جاريالانعان سوڭ، ونى جۇرتشىلىققا جەتكىزۋدىڭ زاماناۋي ادىستەرىن پايدالانۋ كەرەك. توپ-توپ شەنەۋنىكتەر ەل ارالاپ ءجۇرۋى - ءتيىمسىز ءارى ارحايزم! الەۋمەتتىك جەلىنىڭ ءوزى نە تۇرادى!

5. ناسيحاتتى قاراپايىم حالىق اراسىندا عانا جۇرگىزبەي، جولداۋدى ورىنداۋعا مىندەتتى شەنەۋنىكتەردىڭ قۇلاعى مەن ساناسىنا كۇيۋ كەرەك!

ءامىرجان قوسانوۆ

Facebook-تەگى پاراقشاسىنان