ءمىنىستىردىڭ مونولوگى
وۋ، اعاسى!..
ماعان نەگە سانسىز ايىپ تاعاسىڭ؟
بار بالەنى بەتىمە اكەپ جاعاسىڭ.
... ەلىم ءۇشىن ەگىلەمىن، ەزىلەم،
كىم بىلەدى، ەڭبەگىمنىڭ باعاسىن؟
مەنەن باسقا قالماعان با ءىسىڭىز؟
سابىر، سابىر!
ساباڭىزعا ءتۇسىڭىز!
وسى مەنى اڭدىماساڭ بىرەر كۇن،
اۋىرا ما، ءىشىڭىز؟!
مەن جارالعان جان شىعارمىن «ازاپقا»،
ءار ءىسىمدى اينالدىرما مازاققا.
شەتەل اسسام – ەرىككەننەن جۇرگەم جوق،
جايلى قونىس ىزدەپ ءجۇرمىن قازاققا!
كونە قويماس جانىمداعى دەرت ەمگە،
مەن ەلىتكەن جان ەمەسپىن سەلتەڭگە.
اقشا جەسەم – ەرىككەننەن جەگەم جوق،
قازاق ءۇشىن ساقتاپ قويام ەرتەڭگە!
قايران ەلىم!
قانداي عانا سۇيىكتى ەڭ،
مەن ءوزىڭدى قاشان كورەم بيىكتەن؟
شاراپ ىشسەم – ەرىككەننەن ىشكەم جوق،
ىشكەنىم راس – قازاق ءۇشىن كۇيىكتەن!
مەن دەگەندە دايىن ەكەن كەرىسىڭ،
كەلىسەيىك!
ءساتتى بولسىن كەلىسىم!
... بۇگىن تاعى ءتۇن قاتامىن ۇيقىسىز،
سەنىڭ قامىڭ!
ءبارى-ءبارى سەن ءۇشىن!..
الما تۇسىپبەكوۆا
Abai.kz
