ءار ەلدىڭ مەكتەبىندە ءار تىلدە ءبىلىم بەرۋ ۇدەرىسى جۇرەدى. سونىمەن بىرگە، شەتەلدىڭ مەكتەپتەرى ءبىر-بىرىنە ۇقسامايدى، ايىرماشىلىعى شارشى مەن دوڭگەلەكتەي. مەكتەپ تۋرالى قىزىقتى فاكتىلەرگە قانىق بولىڭىزدار. 

اتاقتى جازۋشىلار چارلز ديككەنس پەن مارك تۆەن باستاۋىش سىنىپتى دا تولىق وقىماعان.

دەۆيد بەكحەم دا فۋتبول ءۇشىن مەكتەپتى تاستاپ كەتكەن.

ۇلىبريتانيادا 11-18 جاستاعى مەكتەپ وقۋشىلارىنا سلەنگ سوزدەر قولدانۋعا قاتاڭ تىيىم سالىنعان. ءتىپتى «سالەم»، «كورىسكەنشە» دەگەن سوزدەردى دە ايتۋعا بولمايدى. ونىڭ ورنىنا «سالەمەتسىز بە؟»، «ساۋ بولىڭىز!» دەپ رەسمي تۇردە سويلەيدى.

چەحيا مەكتەپتەرىندە ەڭ جوعارى باعا «1»، ال ەڭ تومەن باعا «5».

ەڭ ەسكى وقۋ عيماراتى – فەس قالاسىنداعى كاراۋين مۇسىلمان ۋنيۆەرسيتەتى. ول ب.د. 859 جىلى قۇرىلعان.

ەلەكتر شامىن ويلاپ تاپقان توماس ەديسون مەكتەپتە ءۇش-اق اي وقىعان. جەتى جاسىندا اتا-اناسىنا مۇعالىمىنىڭ حاتىن الىپ كەلگەن. وندا «بالا ساباقتا ۇنەمى «نە ءۇشىن؟» دەپ سۇراي بەرەدى، كوشتەن قالىپ جۇرەدى، ول اقىماق» دەپ جازىلعان. ودان سوڭ اناسى توماستى ۇيدەن وقىتۋدى شەشكەن.

ەڭ ۇزاق ۋاقىتقا سوزىلعان ءبىلىم بەرۋ ۇلىبريتانيادا بولعان. روبەرت كرونين ەسىمدى ادام 52 جىل وقىپ، مەكتەپتى 72 جاسىندا بىتىرگەن.

الەمدەگى ەڭ ۇزاق ساباق 2003 جىلى بولعان. اۆستراليادا بيولوگ پروفەسسور 54 ساعات بويى ءدارىس وقىعان.

وقۋ جىلى الەمنىڭ 43 ەلىندە – 1 قاڭتاردا، 16 ەلدە – 1 ناۋرىزدا، 122 ەلدە – 1 قىركۇيەكتە باستالادى.

كۇنشىعىس ەلى – جاپونيادا ساباقتى كوتەرىڭكى كوڭىل-كۇيمەن باستاۋ ماقساتىندا ءبىلىم كۇنىن 1 ساۋىرگە قويعان.

البەرت ەينشتەين ەكىمەن وقىعاندىقتان، مەكتەپ بىتىرگەننەن كەيىن ۋنيۆەرسيتەتكە تۇسە الماعان.

سايتقا ازىرلەگەن نۇرسۇلۋ نايمانوۆا

Abai.kz