سەن باسقامەن جاڭا ءومىر باستاۋىڭ مۇمكىن، ءجۇز اداممەن باس قوسساڭ دا، سۇيىكتىڭنىڭ ماحابباتىنداي سەزىم ورتەنىپ-جانبايدى. ودان كەيىنگىلەر مىڭ ەسە ارتىق، اقىلدى، سۇلۋ، بويى ۇزىن، تاعىسىن تاعىلار بولۋى مۇمكىن، بىراق سەنىڭ جۇرەگىڭە نۇرىن توككەن ول عانا. باسقالار ولاي ەتە المايدى. ونىڭ قانداي بولعانى ماڭىزدى ەمەس، ماڭىزدىسى ول سەن ءۇشىن كىم بولا العانى. قازىر بىرگە بولماساڭ، ول تۋرالى ەستەلىكتىڭ ءبارىن ءوشىرىپ، ونىڭ قۇشاعىن، ءسوزىن، ءانىن، تۇنگى اڭگىمەسىن، كۇن سايىنعى قوڭىراۋىن، مەيىرىم تۇنعان جانارىن، ءبارىن ۇمىتقىڭ كەلەتىنى انىق. بىراق ول قولىڭنان كەلمەيدى. 

سەن ەشقاشان وعان مۇنى ايتا المايسىڭ. ءوزىڭدى باسقامەن الداۋسىراتاسىڭ. بىراق ءبارىبىر سۇيىكتىڭمەن كەشكەن باقىتتى ساتتەرگە ورالۋدى ارمانداپ وتەسىڭ. ەكەۋىڭە عانا ءتان الاڭعاسارلىق، ەركىندىك، ازاتتىق، شەكسىزدىك وزىنە تارتادى دا تۇرادى. ودان كەيىنگىلەردىڭ بارىنەن سونى ىزدەيسىڭ، تاپپايسىڭ. جانىڭ قينالادى. ءبىر ادامنىڭ بويىنان بۇكىل الەمدى تابۋ باقىتىن ەكىنشى مارتە قولعا تۇسىرە المايسىڭ. ول جان سەنىڭ بۇكىل ءومىرىڭدى باستان-اياق وزگەرتىپ كەتەدى. ماڭگىلىككە وزگەرتەدى. 

جۇرەگىڭنىڭ تۇكپىرىندە، ەشكىمگە ايتپاستان سەن بار نيەتىڭمەن ونىڭ ورالاتىنىنا بەك سەنەسىڭ، تورىعا ساعىناسىڭ، ۇندەمەي كۇتەسىڭ. ۋاقىت وتە كەلە ءوزىڭدى وزگەنى ۇناتۋعا ماجبۇرلەيسىڭ. ءوزىڭدى سول الدانىشقا سەندىرۋگە تىرىساسىڭ. ۇمىتتىم، ۇمىتام دەيسىڭ. الايدا ۇمىتپايسىڭ. 

سۇيىكتى جانداردى جوعالتىپ الماڭدار. مۇمكىن ونسىزدا ءومىر باقىتتى وتەر، بىراق ونىڭ جانىنداعىداي بولماسى انىق...

ليا فەوريدزە

اۋدارعان شىنار ءابىلدا

Facebook-تەگى پاراقشاسىنان