World Report 2017 بايانداماسى بويىنشا، جانجالعا تولى ساياسي ناۋقاننان سوڭ دونالد ترامپتىڭ بيلىككە كەلۋى، قاراپايىم قۇقىقتاردى جوققا شىعاراتىن ساياسي كۇشتەردىڭ باتىس ەۋروپادا ۇلكەن ىقپالعا يە بولۋى - سوعىستان كەيىنگى جىلدارداعى ادام قۇقىعىن قورعاۋ جۇيەسىنە قاۋىپ ءتوندىردى.

"كۇشتى ليدەرلەر" باسقارادى دەلىنەتىن رەسەي، تۇركيا، فيليپپيندە بيلىك باسىنداعىلار ءوز اۆتوريتەتتەرىنىڭ قامىن كوبىرەك ويلايدى، دەلىنگەن حيۋمان رايتس ۆوتچ بايانداماسىندا.

687 بەتتىك باياندامادا ۇيىم الەمنىڭ 90-نان استام ەلىندەگى ادام قۇقىعىنىڭ جاعدايى قامتىلعان. اتاپ ايتقاندا، رەسەيدە 2011 جىلى حالىقتىڭ نارازىلىعىنان سوڭ ەلدە قۋدالاۋلار كوبەيىپ، ءسوز بوستاندىعى مەن جينالىس ەركىندىگىن شەكتەيتىن زاڭدار قابىلداندى.

HRW بايانداماسىنىڭ اۆتورلارىنىڭ پىكىرىنشە، 2016 جىلى ورتالىق ازيادا اۆتوريتارلىق ليدەر يسلام كارىموۆتىڭ قايتىس بولۋى - وزبەكستاندا ادام قۇقىقتارىنىڭ ساقتالۋىن ءسال دە بولسا نىعايتۋى مۇمكىن.

اباي-اقپارات