الەم چەمپيونى قۋات نايمان ءوزىنىڭ ينستاگرام پاراقشاسىندا قر ازاماتتارىن تىركەۋ تۋرالى ەرەجەگە ءوز نارازىلىعىن ءبىلدىردى، دەپ حابارلايدى "قامشى" پورتالى.

ول ەلىمىزدەگى جۇمىسسىزدىق، قىسقارتۋلار، قىمباتشىلىقتى قاتاڭ سىنعا الدى. وسى قوردالانعان ماسەلەنىڭ كەسىرىنەن جاستار ىشىمدىككە اۋەستەنىپ، ۇرلىق، ادام ءولتىرۋ سەكىلدى قىلمىس كوبەيىپ كەتكەنىن ايتادى. ەلدەگى وسى جانە وزگە دە ماسەلەلەردى دە اتاپ ءوتتى.

ء«بىزدىڭ ەلدە شەشىمىن تاپپاعان ماسەللەر وتە كوپ. ولاردى ساناۋعا مەنىڭ دە، دوستارىمىنىڭ دا ساۋساعى جەتپەس. اۋىلدىڭ ءحالى مۇشكىل. بارلىق جەردە جۇمىسسىزدىق، قىسقارتۋ. ازىق-تۇلىك، كوممۋنالدى قىزمەتتىڭ باعاسى شارىقتاپ بارادى. ەگەر كۇنىن ارەڭ كورىپ جۇرگەن زەينەتكەر رۋلدە وتىرىپ، كامەراعا ءتۇسىپ قالسا، ءبىر اي بويى اش جۇرۋىنە تۋرا كەلەدى. الماتىدان 100 شاقىرىم جەرگە شىقساڭ مۇلدە باسقا ءومىردى كورەسىڭ. جولدار 1945 جىلدان بەرى جوندەۋ كورمەگەن. جاستار ىشىمدىككە سالىنىپ، ادام ءولتىرۋ، ۇرلىق كوبەيىپ كەتتى. ادامدار اشتان ولمەۋى ءۇشىن قالاعا كەلەدى! ەندى ولار ءوز ەلىندە ءجۇرىپ، باسقا قالاعا بارعىسى كەلسە سول ءۇشىن اقشا تولەۋى كەرەك پە؟ قۇداي اتىمەن ۋادە بەرەمىن، كىمدە-كىم تىركەۋ ماسەلەسىمەن كەلسە، سول جەردە جەر جاستاندىرامىن. قازاقتان - مۇناي، گاز، التىن، كۇمىس، ۋران، مىس، اليۋميني كومىرگە باي. ول بويىنشا الەمدە العاشقى بەستىككە كىرەدى. حالىق ونىڭ پايداسىن كورىپ وتىرعان جوق! وسىدان كەيىن قاراپايىم حالىقتى وزدەرىڭنىڭ ايىپپۇلدارىڭمەن توناماقسىڭدار ما؟ ناعىز پاتريوت دەگەنىمىز «العا قازاقستان» دەپ ايقايلايتىندار ەمەس، حالىقتىڭ مۇڭ مەن مۇقتاجىن سەزىنەتىن ادام! ەلدە قانشا قوردالانعان ماسەلە بار، ولار بولسا ايىپپۇلدى ويلاپ تاۋىپتى» دەپ نارازىلىعىن ءبىلدىردى قۋات نايمان.

Abai.kz