بايقوڭىر تۋرالى كەلىسىمگە وزگەرىستەر ەنگىزىلدى
قازاقستان مەن رەسەي پرەزيدەنتتەرى نۇرسۇلتان نازارباەۆ پەن ۆلاديمير پۋتين سانكت-پەتەربۋرگتا وتكەن ەكى جاقتى كەزدەسۋدەن كەيىن بايقوڭىر عارىش ايلاعىندا ىنتىماقتاسۋ كونتسەپتسياسىنا قول قويدى.
تاراپتار 1995 جىلدىڭ 23 جەلتوقسانىنداعى بايقوڭىردىڭ مارتەبەسى جونىندەگى كەلىسىمگە وزگەرىستەر ەنگىزۋ جونىندەگى قاۋلىعا قول قويدى.
بۇل كونتسەپتسيا جاڭا بىرلەسكەن جوبالاردى قولدانىستاعى عارىش ينفراقۇرىلىمىندا، اتاپ ايتقاندا «بايتەرەك» جوباسىندا جۇزەگە اسىرۋعا مۇمكىندىك بەرەدى. تۇجىرىمداما 2050 جىلعا دەيىن قاراستىرىلعان.
1995 جىلعى 23 جەلتوقسانداعى بايقوڭىردىڭ مارتەبەسى جونىندەگى كەلىسىمگە ەنگىزىلگەن وزگەرىستەر بويىنشا قالادا قازاقستاندىق مەملەكەتتىك ورگانداردى كوبەيتۋ كوزدەلگەن.
اباي-اقپارات
