وڭتۇستىك قازاقستان وبلىسى شارۋالارى 2016 جىلدى قورىتىندىلاپ، جىل باسىنان بەرگى توككەن تەر مەن ەگىلگەن ەڭبەكتىڭ جەمىسىن ناتيجەلەۋدە.  جىل بويىنا وندىرىلگەن ونىمدەردىڭ جيىنتىق قورىتىندىسىن جاساعان شارۋالاردىڭ جەلتوقسان ايىنداعى دەرەكتەرىنە سۇيەنسەك، ءبىر عانا شىمكەنت قالاسىندا 97,9 ملرد. تەڭگەنىڭ ءونىمى ءوندىرىلىپتى. بۇل تۋرالى «اباي اقپارات» پورتالى حابارلايدى.

وڭتۇستىك قازاقستان وبلىسى، شىمكەنت قالاسى اكىمىنىڭ ورىنباسارى گ.قۇرمانبەكوۆا مالىمەتتەرىنە نازار اۋدارساق، شىمكەنتتىك اۋىل شارۋاشىلىق ونىمدەرىنىڭ جالپى سوماسى 5 ميلليون تەڭگەگە جۋىقتاعان.

شىمكەنت قالاسى اكىمىنىڭ ورىنباسارى قۇرمانبەكوۆانىڭ  ايتۋىنشا، وسى جىلدىڭ جەلتوقسان ايىنداعى ستاتيستيكالىق مالىمەت بويىنشا قالا حالقىنىڭ سانى 893,8 مىڭ ادامدى قۇراپ، 4,2 پايىزعا ارتقان.

ال ونەركاسىپ كاسىپورىندارىمەن 97,9 ملرد. تەڭگەنىڭ ءونىمى وندىرىلگەن. ونىڭ ىشىندە اۋىل شارۋاشىلىعىنىڭ جالپى ءونىم كولەمى 4 872,8 ملن.تەڭگەنى قۇراپ، 1,4 پايىزعا ءوسىپ وتىر. سونداي-اق، ىسكە قوسىلعان تۇرعىن ءۇيدىڭ جالپى الاڭى 135,6 مىڭ شارشى مەتر. بۇل وتكەن جىلدىڭ ءتيىستى كەزەڭىمەن سالىستىرعاندا 5,2 پايىزعا ءوسىپ وتىر.

شىمكەنت قالالىق اۋىل شارۋاشىلىعى جانە ۆەتەريناريا ءبولىمىنىڭ جىلدىق قورىتىندىسىنا نازار اۋدارساق، قازىرگى تاڭدا شىمكەنت قالاسى بويىنشا 4 152 اۋىل شارۋاشىلىعى كاسىپورىندارى قىزمەت ەتۋدە. ونىڭ ىشىندە: 3 908 شارۋا قوجالىقتار بولسا، قالعان 244 جشس جانە وك بولپى تابىلادى. سونىمەن قاتار قالانىڭ اۋىل شارۋاشىلىعى جەر قورى بارلىعى 62 219 گا اۋىل شارۋاشىلىعى ماقساتىندا پايدالانىلاتىن جەرلەر، ونىڭ ىشىندە ەگىستىك جەرلەردىڭ جالپى كولەمى 39 417 گا قۇراپ، ونىڭ 30 500 گا جەرگە ەگىس ەگىلگەن.

Abai.kz