كەشەدەن بەرى شىڭعىس قاعاندى ءبىرى داتتاپ، ءبىرى ماقتاپ، اياعىندا جاعالاسىپ جاتقان بىرنەشە ازاماتتاردى كورىپ وتىرمىز.

شىڭعىس حان كىم قالاي دەسە دە ادامزات تاريحىنداعى ۇلى تۇلعا. Əرينە قاتىگەزدىگى بار، قانشاما جاندى قىرعىنداتتى. وركەنيەتتى ويرانداۋى دا مۇمكىن. بىراق، ادامزات تاريحىندا مەيىرىمدى جاھانگەر جوق. الايدا سىر بويىنداعى قالالاردا سول زاماندا سارتتار وتىرعانى انىق. ال شىڭعىستىڭ كوشپەندىلەردىڭ باسىن قوسقانى تاعى راس. ول جولدا تالاي قۇربان كەسىلدى. ولاردىڭ اراسىندا كەرەي حانى تۇعىرىل مەن بالا كەزدەگى دوسى جامۇقا دا بار. 

بىراق، تاريحقا وكپە جۇرمەيدى. شىڭعىس حان مەن ءۇشىن قازاق (وردا ەجەن ۇرپاعى), وزبەك (شايبان ۇرپاعى) جəنە باسقا دا تۇركى تىلدەس حالىقتاردىڭ پايدا بولۋىنا نەگىز بولعان تۇلعا. ال، تۇرىك حالىقتارىنىڭ بولشەكتەنۋىنە ۇلى قاعاننىڭ ەشبىر قاتىسى جوق. كەرىسىنشە التىن وردادان سەسكەنگەن سىرتقى كۇشتەردىڭ ۇلەسى كوپ. سول پيعىل ءəلى əلسىرەگەن جوق. كەيدە كوزى اشىق ازاماتتاردىڭ ءوزى سونداي پيعىلداعىلاردىڭ وتىن كوسەپ كەتەتىنى بار. مەن شىڭعىس حان تۋراسىندا زاردىحان اعامىزدىڭ ەڭبەكتەرىنە توقتالامىن.

دوسىم زىكىريا

Facebook-تەگى پاراقشاسىنان