وڭتۇستىك قازاقستان وبلىسىنا قاراستى قوسسەيىت  اۋىلدىق وكرۋگىندە  2,5 مىڭعا  جۋىق حالىق تۇرادى. ەلدىمەكەن  ەنشىسىندە 10 366 گا جەر بار. ءبىرازى - سۋارمالى جەر. 70  گا  القاپقا  تامشىلاتىپ سۋعارۋ ادىسىمەن ەگىن  ەگىلگەن.    بۇل اياداي عانا اۋىل ءۇشىن  جاقسى  كورسەتكىش.   اۋىل تۇرعىندارى نارىققا بەيىمدەلىپ،  جىلىجايدىڭ دا قىر-سىرىن ۇيرەندى، دەپ حابارلايدى "اباي اقپارات" پورتالىنىڭ ءتىلشىسى. 

كوشەرباي الدەنەەۆ، قوسسەيىت اۋىلدىق وكرۋگىنىڭ اكىمى;

-قوسسەيىت اۋىلدىق وكرۋگىندە «جۇمابەك-قابلان» شارۋا قوجالىعى قولعا الىپ وتىرعان ۇلكەن مەجە – ءجۇزىم شارۋاشىلىعىن قولعا الىپ وتىر. بيىل 15 گا مەجەلەپ وتىرمىز تامشىتالىپ سۋعارۋ نەگىزىندە. قۇداي قالاسا، بىلتىرعى جىلى دا جاقسى ونىمدەر العانبىز، بيىل دا جوسپاردى ارتىعىمەن ورىنداۋعا ءبىز اتسالىسىپ جاتىرمىز.

قازىر  «قوسسەيىت» اۋىلدىق  وكرۋگىندە  610  شارۋا قوجالىق جۇمىس ىستەيدى.  ورتاق وگىزدەن وڭاشا بۇزاۋدى ءجون كورگەن شارۋالار ەندى تيىمدىلىگىن ءتۇسىنىپ، ءىرى  كووپەراتيۆكە  بىرىگىپ  جاتىر. سونداي ىرىلەنگەن شارۋا قوجالىقتارىنىڭ ءبىرى – «جۇمابەك-قابلانبەك»  ۇجىمى.  ىرىلەنۋدىڭ  ناتيجەسىندە  مەملەكەتتەن نەسيە العان. قارجىعا  تەحنيكالىق قۇرال- جابدىعىن سايلاپ،  ءىسىن  دوڭگەلەتىپ وتىر.

قوناش ادىلبەكوۆ، «جۇمابەك-قابلانبەك» شارۋا قوجالىعىنىڭ مەحانيزاتورى;

- «جۇمابەك-قابلانبەكتىڭ» 139 گا جەرى بار. ونىڭ 50 گا-نا ماقتا ەگىلگەن، 15 گا ءجۇزىم ەگىلگەن، تاعى دا مالىمىز بار، قالعان داقىلدار جۇگەرى، جوڭىشقا سونى ەككەنبىز. كومباينىمىز بار قۇداي قالاسا. وسى كومباينمەن تەرىپ، جيناپ الامىز. باسقا شارۋا قوجالىقتارعا جاردەم بەرەمىز تەرىم كەزىندە.

سارعايىپ  بوس  جاتاتىن سارى  دالا  جاسىل  جەلەك  جامىلعان.  اۋىل  اجارىنا  ءار كىرە  باستاعان.  ەندى، ديقاندار جەمىس-جيدەكتەر مەن ءجۇزىمنىڭ كوپ جىلدىق ەكپەلەرىن ءوسىرۋدى قولعا الماقشى. ارەكەت بار جەردە،  بەرەكەت بار،-دەيدى شارۋالار.... 

اباي اقپارات