جاقىندا وڭتۇستىك قازاقستان وبلىسى اكىمدىگىندە مال شارۋاشىلىعىن، مادەنيەت سالاسىن، ءتۋريزمدى دامىتۋ ماسەلەلەرى مەن پەرسپەكتيۆالارىن، مەملەكەتتىك جاستار ساياساتىن جۇزەگە اسىرۋ جايى مەن كوممۋنالدىق مەنشىكتىӊ ساقتالۋى جانە پايدالانۋىن باقىلاۋ سىندى 5 ماسەلە قارالدى. 

جيىندا جوعارىدا اتالعان ءبىرىنشى ماسەلە بويىنشا بايانداما جاساعان وبلىستىق اۋىل شارۋاشىلىعى باسقارماسىنىӊ باسشىسى سەرىك تۇربەكوۆ مال شارۋاشىلىعى بويىنشا سوӊعى ەكى جىلدا ءىرى قارا مال سانى 35 مىӊعا ارتىپ 865 مىӊ باستى قۇراعانىن، قوي-ەشكى 155 مىӊنان 3 ملن. 893 مىӊعا وسكەنىن، ال جىلقى 16 مىӊعا ارتىپ 230 مىӊعا جەتكەنىن ايتتى. 

سونىمەن قاتار، ول مال شارۋاشىلىعى ونىمدەرىن وندىرۋدە جوعارى كورسەتكىشتەرگە قول جەتكىزىلگەنىن اتاپ ءوتتى. ماسەلەن، ەت ءوندىرۋ 111,4%-عا، ءسۇت ءوندىرۋ - 104,8 %-عا، جۇمىرتقا ءوندىرۋ - 112,1 %-عا، ءجۇن ءوندىرۋ 110,1 %-عا ارتقان. 

دەگەنمەن، وبلىستا مال سانى مەن ونىمدەرى ارتقانىمەن كەلەسى اۋدانداردا تومەن كورسەتكىش بايقالۋدا. اتاپ ايتقاندا، اعىمداعى جىلدىӊ 10 ايىنىӊ قورىتىندىسىمەن ىقم سانى بايدىبەك، ورداباسى، قازىعۇرت اۋداندارىندا، ۇساق مال بايدىبەك، ورداباسى، سوزاق، تولەبي اۋداندارىندا، جىلقى بايدىبەك، تۇلكىباس اۋداندارىندا، تۇيە بايدىبەك، سارىاعاش، تۇلكىباس اۋداندارىندا، قۇس سانى بايدىبەك، قازىعۇرت، سايرام، تۇلكىباس اۋداندارىندا كەمىگەن. 

اباي اقپارات