استانا. 24 قىركۇيەك. قازتاگ - ارسەن بەكتاسوۆ. 27 قىركۇيەكتە قازاقستاننىڭ كابەلدىك جەلىلەرىندە «بالاپان» اتتى بالالارعا ارنالعان ءبىرىنشى وتاندىق ارنا حابار تاراتا باستايدى، دەپ حابارلادى بايلانىس جانە اقپارات ءمينيسترى اسقار جۇماعاليەۆ.

«ارنادا قازاقستاندىق كونتەنت بولادى جانە ءبىر بولىگى اۋدارىلادى. مەن شىن مانىندە پايدالى بولىپ تابىلاتىن جاقسى مۋلتفيلمدەردى نەگە اۋدارماسقا دەپ ويلايمىن»، - دەدى ا. جۇماعاليەۆ جۇما كۇنى «بالاپان» ارناسىنىڭ تۇساۋكەسەرىندە.

جاڭا ارنا «قازاقستان» رترك بازاسىندا ۇيىمداستىرىلدى. حابار تاراتۋساعات 10 -نان 22-گەدەيىن مەملەكەتتىك تىلدە جۇرگىزىلەدى. سەكاتەل جانە الما-تۆ كابەلدىك وپەراتورلارمەن كەلىسىم جاسالدى.

تەلەارنانى اشۋداعى نەگىزگى ماقسات – جاس قازاقستاندىقتاردىڭ بويىندا مەيىرىمدىلىك، جاۋاپكەرشىلىك سەزىمدەرىن تاربيەلەۋ جانە جوعارى ادامگەرشىلىك مادەنيەتىن دامىتۋ.

بايلانىس ءمينيسترىنىڭ سوزدەرىنە قاراعاندا، جىل سوڭىنا دەيىن «بالاپان» تەلەارناسى  سپۋتنيكتىك حابار تاراتۋ جەلىسىنە قوسىلادى، بۇل اۋىل تۇرعىندارىنا تەلەارنانى تەگىن تاماشالاۋعا مۇمكىندىك بەرەدى.

سونىمەن قاتار، ا. جۇماعاليەۆ 2011 جىلدىڭ I-II توقسانىندا «مادەنيەت» تەلەارناسىن جانە 2012 جىلدىڭ قىركۇيەك ايىندا «ءبىلىم ارناسىن» اشۋ جوسپارلانعانىن حابارلادى.