وڭتۇستىك قازاقستان وبلىسى قازىعۇرت اۋدانىنداعى «قىزىل جار» وندىرىستىك كووپەراتيۆىنىڭ توراعاسى جاقسىلىق دۇيسەباەۆ 530 گەكتار جۇزىمدىك باعىنان 30 مىڭ توننا ءونىم العانىن مالىمدەدى، - دەپ حابارلايدى اباي-اقپارات. 

قازىر وبلىستا اۋىل شارۋاشىلىعىن دامىتۋ ارقىلى ەل احۋالى جاقسارىپ كەلەدى. جۋىردا وبلىس اكىمى جانسەيىت تۇيمەباەۆ قازعۇرت اۋدانىنا جاساعان ساپارى بارىسىندا «امانگەلدى» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىسقان بولاتىن. شارۋا قوجالىعىنىڭ ىلكىمدى ىسىنە ءتانتى بولعان اكىم وڭىردە باۋ شارۋاشىلىعىن دامىتۋدى تاپسىرعان-دى. وسىعان وراي، قازىعۇرت اۋدانىندا وبلىستىق سەمينار-كەڭەس ۇيىمداستىرىلعان. وعان شاردارا، سارىاعاش، ماقتاارال اۋداندارىنىڭ ديحاندارى قاتىستى.

ءتورت قۇبىلاسى تەڭ «امانگەلدىنىڭ» كوكونىس قوياتىن كەڭ قويماسى بار. وندا جاز بويى ەتكەن ەڭبەكتىڭ وتەۋىنە تەڭ ءونىمنىڭ ساپاسىن جوعالتپاي ساقتاۋعا بولادى. سەرىكتەستىك سوڭعى ۇلگىدەگى تەحنيكالارمەن جابدىقتالعان. سەمينار بارىسىندا وزگە ايماقتاردان كەلگەن شارۋالار سالاداعى وزىق ءادىس-تاسىلمەن تانىستى. ال، ساراعاشتىقتار بولسا، مۇنداي شارانىڭ جەر ەمگەن ديقاندار ءۇشىن بەرەرى مول دەيدى. وسى ارقىلى اۋىلشارۋاشىلىعى سالاسىندا كەزدەسەتىن قيىندىقتاردى بىرگە ەڭسەرمەك.

«قىزىل جار» وندىرىستىك كووپەراتيۆىنىڭ توراعاسى جاقسىلىق دۇيسەباەۆتىڭ ايتۋىنشا، ول جىلىنا ءار ءتۇرلى جەمىس اعاشىنىڭ 100 مىڭ داناسىن ساتىلىمعا شىعارادى. ول ءۇشىن كاسىپكەر مەملەكەت قولداۋىنا يەك ارتتى. قازىعۇرت اۋدانىنىڭ ديحاندارى دا بيىل تولايىم تابىسقا جەتتى. 530 گەكتار جۇزىمدىك باعىنان 30 مىڭ توننا ءونىم الدى. ال، جەمىس جيدەك 1080 توننا. قازىر جەرگىلىكتى ءونىم الماتى، استانا مەن رەسەي مەملەكەتىنە جول تارتۋدا.

اباي-اقپارات