وڭتۇستىك قازاقستان وبلىسى جىلىنا 738,4 مىڭ توننا ءسۇت جانە ءسۇت ونiمدەرi قاجەت بولسا، بۇگiنگi تاڭدا بۇل ونiمدەردەن ناقتى وندiرiلەتiنi – 710,6 مىڭ توننا. ياعني، سۇرانىستىڭ 96 پايىزىن ءوزiمiز جاۋىپ وتىرمىز، - دەپ حابارلايدى اباي-اقپارات وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

وڭiردە iرi, ورتا جانە شاعىن ءسۇت ءوندiرۋشi 61 اگروقۇرىلىم جۇمىس iستەۋدە. سونىڭ iشiندە iرiلەرi – التاۋ. ارىس قالاسىندا ورنالاسقان «قازىنا جەر LTD» جشس 2013 جىلى كانادادان 389 گولشتين تۇقىمدى ءسۇتتi iرi قارا مال ساتىپ الادى. بۇگiندە مال سانى 890 باسقا جەتتi. ونىڭ 670-i – انالىق. ءار ساۋىن سيىردان ورتاشا 25 ليتردەن ءسۇت الىنۋدا. ۆەنگريادان ءدال وسى تۇقىمداس 272 سيىر ساتىپ العان ورداباسى اۋدانىنداعى «بورتە ميلكا» جشس جاڭا تەحنولوگيا بويىنشا ءار سيىردان ورتا ەسەپپەن 30 ليتردەن ءسۇت الۋدا. سول سەكiلدi سارىاعاشتىق «فيرما ساكەن» جشس-نiڭ گولشتين تۇقىمدى 510 سيىرىنىڭ ءاربiرi 26 ليتردەن ءسۇت بەرۋدە. ال، سايرامداعى «گۇلجاميلا» جشس، تۇلكiباستاعى «دوس بي» جشس جانە تولەبي اۋدانىنداعى «اتامەكەن نان» جشس-iندە ءاربiر ساۋىن سيىردان ساۋىلاتىن ءسۇت مولشەرi ورتا ەسەپپەن – 15 ليتر. 300-دەي ساۋىن سيىر ۇستايتىن ورتاشا ءسۇت فەرمالارىنان «ولجا قۇربانوۆ» وك، «نۋراميدين اتا» شق، «مانكەنت-ستروي» شق، «ۋزبەكوۆا» شق جانە «اق التىن بەرەكە» جشس-iن اتاۋعا بولادى. بۇل شارۋاشىلىقتاردا ءار سيىردان الىناتىن ءسۇتتiڭ كولەمi 10-12 ليتردi قۇرايدى.

وبلىستا سيىر سانى 50-100-گە دەيiن جەتەتiن 50 شاعىن ءسۇت فەرماسى بار. «مال شارۋاشىلىعىن دامىتۋدىڭ 2014-2016 جىلدارعا ارنالعان iس-شارالار جوسپارى» اياسىندا وڭiردە وتباسىلىق ءسۇت اۋلالارى قۇرىلعان. بۇگiندە ولاردىڭ سانى 1762-گە جەتتi. وسى شارۋاشىلىقتاردا 14 مىڭ سيىر باعىلۋدا. دەرەكتەر بويىنشا وتباسىلىق ءسۇت اۋلالارى ارقىلى 35 مىڭ توننا ءسۇت وندiرiلگەن. جوعارىدا اتالعان iرi, ورتا جانە شاعىن ءسۇت فەرمالارىندا وندiرiلگەن ءسۇتتiڭ ءاربiر كەلiسiنە 10 تەڭگەدەن سۋبسيديا تولەندi. ال، بيىل «قازىنا جەر LTD» جشس-نە قر اۋىل شارۋاشىلىعى مينيسترلiگiنiڭ سۋبسيديالاۋ تۋرالى ەرەجەسi مەن تالاپتارىنا سايكەس وندiرگەن ءاربiر ءسۇتتiڭ ليترiنە 25 تەڭگەدەن سۋبسيديا بەرiلدi. ورازتاي ۇسIپباەۆ، وقو اۋىل شارۋاشىلىعى باسقارماسى مال شارۋاشىلىعى جانە مال تۇقىمىن اسىلداندىرۋ ءبولiمiنiڭ باس مامانى.

اباي-اقپارات