الماتى. 24 قىركۇيەك. قازتاگ. ديليارام اركين. ەلىمىزدىڭ جەتەكشى ەكونوميسى ماعبات سپانوۆ مەملەكەت باسشىسىنىڭ قازاقستان حالقىنا جولداۋىن جاساۋ مەرزىمىن اۋىستىرعان ورىندى دەپ سانايدى. ونىڭ پىكىرىنشە،ول جىل باسىندا ەمەس، جىل سوڭىندا جولدانۋى ءتيىس.

«ادەتتە پرەزيدەنت جولداۋىن قارجىلىق جىلدىڭ ورتاسىندا، اقپان نەمەسە ناۋرىز ايلارىندا جولدايدى. ناقتى مەرزىمى جوق! مەنىڭ ەسەپتەۋىمشە، جولداۋ قارجىلىق جىلدىڭ اياقتالۋىنا ورايلاستىرىلۋى ءتيىس، ياعني كۇزدە نەمەسە قازان ايىندا»، - دەپ مالىمدەدى قازاقستان دامۋ ينستيتۋتىنىڭ پرەزيدەنتى ماعبات سپانوۆجۇما كۇنى ن.نازارباەۆتىڭ جولداۋىن جۇزەگە اسىرۋدى تالقىلاۋعا ارنالعان دوڭگەلەك ۇستەل وتىرىسىندا.

ونىڭ پىكىرىنشە، بۇل قارجى مينيسترلىگىنە مەملەكەت باسشىسىنىڭ جولداۋىن جۇزەگە اسىرۋ ءۇشىن بارلىق قاجەتتى شىعىنداردى ەسەپتەۋ ءۇشىن كەرەك.

«ال بىزدە بارلىعى كەرىسىنشە شىعادى. قارجى مينيسترلىگى جىل بويى جۇمىس ىستەيدى دە، 1 جەلتوقساندا ەلىمىزدىڭ كەلەسى جىلعا ارنالعان جاڭا بيۋدجەتىن تانىستىرادى. ال ناۋرىز ايىندا پرەزيدەنت جولداۋىن جولداپ ءسوز سويلەيدى، مينيسترلىك بولسا، جاڭا بيۋدجەتتىك تولىقتىرۋلار ەنگىزۋگە ءماجبۇر بولادى. بىراق قارجى ناقتى ءبولىنىپ قويسا، ونى قايدان السىن؟ تەك پرەمەر-مينيستر ءماسىموۆ قانا جوق جەردەن ت130 ملرد الىپ شىعىپ، ۇكىمەت وتە جاقسى جۇمىس ىستەيدى دەپ ايتا الادى»، - دەدى م. سپانوۆ.