سەۋلدىڭ ورتالىق اۋداندىق سوتى پروكۋراتۋرا وتىنىشىنە ازىرگە جاۋاپ بەرگەن جوق. سوت شەشىم قابىلداماستان بۇرىن، بۇرىنعى پرەزيدەنتتى تەرگەۋگە شاقىرۋى مۇمكىن.

65 جاستاعى پاك كىن حەگە بيلىكتى اسىرا پايدالانۋ، سىبايلاس جەمقورلىق، ۇكىمەتتىڭ قۇپيا اقپاراتىنىڭ جاريالاۋ سەكىلدى ايىپتار تاعىلىپ وتىر. ول وڭتۇستىك كورەيانىڭ دەموكراتيالىق جولمەن سايلانىپ، قىزمەتتەن شەتتەتىلگەن العاشقى پرەزيدەنتى. ونىڭ بيلىكتەن كەتۋىن بيىل ناۋرىز ايىنىڭ باسىندا ەلدىڭ جوعارعى سوتى بەكىتتى.

كونستيتۋتسياعا سايكەس، پرەزيدەنتتىك سايلاۋ 60 كۇن ىشىندە وتكىزىلۋى ءتيىس.

پاك كىن حەگە ەلدەگى ءىرى كومپانيالاردىڭ، سونىڭ ىشىندە Samsung توپ-مەنەدجەرلەرىن ءوزىنىڭ دوس قىزى باسقاراتىن قورعا ونداعان ميلليون دوللار بولۋگە ماجبۇرلەگەنى ءۇشىن يمپيچمەنت جاريالاندى. پرەزيدەنت مىندەتىن قازىر ەلدىڭ پرەمەر-ءمينيسترى حۆان گيوان اتقارىپ وتىر.

Abai.kz