شىمكەنت قالاسىنداعى «Rixos» قوناقۇيىندە «بەس ينستيتۋتتىق رەفورما. 100 ناقتى قادام: اقپاراتتىق قامتۋ جانە ىلگەرىلەتۋ» ايماقتىق جۋرناليستەر فورۋمى ءوتتى. «100 ناقتى قادام» – بۇل جاھاندىق جانە ىشكى سىن-قاتەرلەرگە جاۋاپ، سونىمەن بىرگە جاڭا تاريحي جاعدايلاردا ۇلتتىڭ دامىعان مەملەكەتتەردىڭ وتىزدىعىنا كىرۋى جونىندەگى جوسپارى. وسى ورايدا ەلىمىزدى وركەندەتۋ جولىنداعى ءتيىمدى دامۋدىڭ بەس قادامىن اقپاراتتىق قامتۋ جانە ناسيحاتتاۋ بولىپ تابىلادى. فورۋمنىڭ اشىلۋ سالتاناتىندا ءسوز العان وبلىس اكىمىنىڭ ورىنباسارى ە.سادىر ۇلت مۇددەسى ءۇشىن جاسالىپ جاتقان 100 ناقتى قادام – ءبىزدىڭ بيىك ماقساتقا تالپىنىپ شىعاتىن، سامعاۋعا جەتەلەيتىن باسپالداق ەكەنىن اتاپ ءوتتى. ‒ ءۇش ميلليونعا جۋىق تۇرعىنى بار وڭتۇستىك قازاقستاندا جالپى 236 بۇقارالىق اقپارات قۇرالى بار. ولاردىڭ 175-ءسى گازەت بولسا، 37 جۋرنال مەن 12 تەلەارنا، ءۇش راديو جانە توعىز ينتەرنەت رەسۋرس حالىققا جىلدام ءارى تولىمدى اقپارات تاراتۋدا. باق وكىلدەرىن ەلباسى ايتقانداي ءبىر ۇلت بولىپ ۇيىسۋعا، ىلگەرىلەۋگە، ۇلت جوسپارى ماقساتىندا اتقارىلعان شارالارعا بەلسەنە قاتىسىپ، اقپاراتپەن قامتۋعا شاقىرامىز، ‒ دەدى ە.سادىر.

وڭىرلەردەگى بۇقارالىق اقپارات قۇرالدارىنىڭ باسىن قوسقان بۇل فورۋمعا «ارا.kz» جۋرنالىنىڭ باس رەداكتورى، قازاقستان جازۋشىلار وداعى ساتيرا كەڭەسىنىڭ توراعاسى ك.امىربەك، «تۇركىستان» گازەتىنىڭ باس رەداكتورى ش.پاتتەەۆ، «ايقىن» گازەتىنىڭ باس رەداكتورى ن.ءجۇسىپ، «اق جول» گازەتىنىڭ ديرەكتور-باس رەداكتورى ك.ءساتتىبايۇلى، «قازاقستان-2050» جالپىۇلتتىق قوزعالىسىنىڭ مەديا ديرەكتورى ق.اۋەسبايۇلى، قازاقستان ستراتەگيالىق زەرتتەۋلەر ينستيتۋتىنىڭ ساراپشىسى ج.ءجۇمادىلوۆ سىندى بىلىكتى جۋرناليستەر استانا، الماتى، قىزىلوردا، جامبىل مەن شىعىس قازاقستان وبلىستارىنان قاتىسىپ، ءوز ويلارىن ورتاعا سالدى. ‒ مەملەكەت باسشىسىنىڭ بەس ينستيتۋتتىق رەفورماسىن جۇزەگە اسىرۋدىڭ 100 ناقتى قادامىنىڭ 90-قادامىندا باق-تا، ينتەرنەتتە، سونداي-اق، الەۋمەتتىك جەلىلەردە قازاقستاندىق بىرتەكتىلىك يدەيالارىن جۇزەگە اسىرۋدى اقپاراتتىق قامتۋ جانە ىلگەرىلەتۋ تۋرالى تاپسىرماسىن ورىنداۋ، جەرگىلىكتى بيلىك پەن باق اراسىنداعى بايلانىستى ودان ءارى نىعايتۋ، وڭىردە اتقارىلىپ جاتقان جۇمىستاردى كەڭىنەن ناسيحاتتاۋ ماقساتىندا «وڭتۇستىك» اقپارات ورتالىعى قۇرىلىپ، جۇمىس جاساۋدا. اتالعان ورتالىقتا جاۋاپتى باسشىلار كۇندەلىكتى وتەتىن بريفينگتەرگە قاتىسىپ، بيلىك پەن باق اراسىندا اشىق ديالوگ الاڭىن ورناتتى. مۇندا كۇن سايىن ءباسپاسوز ءماسليحاتتارى ۇيىمداستىرىلىپ، وڭىردە جاسالىپ جاتقان جۇمىستار باياندالۋدا، ‒ دەدى وقو ىشكى ساياسات جانە ءدىن ىستەرى باسقارماسىنىڭ باسشىسى ب.قۇرمانعالي. اتالعان جيىن ءۇش بولىمنەن ياعني «اقپاراتتىق قامتۋ جانە ىلگەرىلەتۋ»، «ماڭگىلىك ەل قازاقستاندىق بىرتەكتىلىك يدەيالارىن جۇزەگە اسىرۋ»، «باق-عى، ينتەرنەتتەگى بۇقارالىق اقپاراتتىڭ جاڭا بۋىندارىن قالىپتاستىرۋ» تاقىرىپتارىندا ءوتتى.

وقو اكىمىنىڭ ءباسپاسوز قىزمەتى